一早起來，當然是拍日出，老人家很『醒目訓』。
今天在房間吃早餐，最遲點菜時間是 10:00 am。房內的餐牌可點菜式比在餐廳吃的少；餐廳的菜單有中文翻譯，房間的餐單則只有英文。
雖然可以任點食物，今天早餐我們點的菜依然不多。看網上的朋友，真的點兩張檯的食物來。意外地，夾餅很好味呢！
終於浮潛了！可是……我不懂得呼吸，完全不成，所有照片都是小峰拍攝的。
那部 HK$199的 Yashica 防水相機上場了。因為不懂得使用，發覺總是看不到自己拍了什麼，只好亂影一通，效果又ok 喎！ ($200 一部日本製造防水相機仲想點？)
這種魚七彩的，好靚呀！
小峰說最想拍這種魚，老是拍攝不到整條魚的。
都係影唔到！
海參啊！
水深未及腰已經見到珊瑚魚了！對於不諳水性的我們，實在很興奮！當時大概是 11:30 pm 左右，少許潮漲。
如果出海到珊瑚礁環，看到的魚群肯定更多更漂亮！
上了沙灘，發覺這部相機以 vivid 效果拍攝出來的效果很騎呢…不過有點像我們落濾鏡拍攝日落，都幾得意0既。
文章標籤
全站熱搜
馬代真係真係好靚呀~希望我有生之年可以去一次啦~ [版主回覆10/10/2012 22:18:29]以前唔知點解，去過就明白了，真係蜜月天堂，乜都唔使理，坐0係度就過一日，又清靜，真係值得諗諗呀！
我好想去呀!!! 小飛, 你真係勤力, 我到依家都未寫台灣, 連相都未UPLOAD 上FB!! [版主回覆10/10/2012 23:21:11]你同得得去0丫！五唔係真係要落水玩先至可以去馬代嘛！話時話，關島同馬代0既分別係，我都想知呀。
水底世界很正呀 ! 正如2SAN 話, 希望有生之年可以去一次啦 ! [版主回覆10/14/2012 10:36:01]我都要努力賺錢，睇下有無機會再去，見到 D 魚好靚，真係想再浮潛啊！
要行到幾出先有依d 水低靚景呀？ [版主回覆10/14/2012 17:59:31]20-30步，其實 10 步都已經見魚啦！
甘我諗d 水 到肚左右高就有這靚景， 不錯喎！ 見你陽臺個pool2邊都有野擋住景觀， 可以移開嗎？ 因為擋住這漂亮海景 [版主回覆10/29/2012 20:35:47]陽台向前望0架咋，隔離左右都係屋，用作保護私隱，室外泳池游水無人睇到。行出去先至係獨立樓梯，任你睇風景同埋落水。
浮潛係咪好難學呀??以一個唔識水性既人黎講~~~ [版主回覆10/29/2012 20:38:54]我唔識，好蠢！但小峰一落水就學會了。因為好淺水已經有魚，基本上蹲著(雙腳掂地) 擺個頭落水已經見到魚。有救生衣，所以唔擔心。
我地2公婆都唔識游水, 我老公帶左條繩去, 因佢怕被沖左出大海! 當然最後用唔著啦! 真係笑死人! 馬代d水咁淺, 真係好啱我地呢d唔熟水性的人去玩呀! 在水底見到d魚時, 真係好開心! 我自己在水底邊睇魚, 用手指篤d魚....我老公在露台上都聽到我d笑聲! [版主回覆06/24/2013 23:24:21]係呀！見個島淺水好好玩，但潮漲時好恐怖0架！我都有想過帶條繩去0架！仲想過應該幾長先0岩！