又到 黃昏時間，我們從 honey moon villa 步行到 sunset villa
今天是中秋節啊！雲層卻很厚。
最精彩的部份出現了！
同一蒼穹下，為何外地的黃昏特別動人，香港空氣污染情況也教我等都市人汗顏。
看完日落，Anup 出現，他說明天的 sand band lunch 成團，問我們參不參加。可是我仍未能掌握呼吸 (真係蠢呀！)，小峰也覺得明天我們便要走了，sand band lunch 由 9:30 am - 14:30pm，我們沒有時間收拾行李，最後決定不參加，放棄欣賞珊瑚魚群的機會。這個決定，也許是對的……
比較奇怪的是， Anup 說我們明天speed boat 在 8:00 pm 開船，餐廳在 7:30 pm 才開始供應晚餐，所以我們只能吃三文治、漢堡飽等小吃。我當然反對，我們付了HK$1400吃晚餐呀！在七月份我還跟酒店直接 e-mail 聯繫，他們確認 6:00 pm 給我們做餐的。 Anup 依然說沒辦法，餐廳未開啊！我說，明天是我們結婚週年紀念。 Anup 聽到，叫了一聲 "Oh ! My God !"，之後說會幫我們聯繫一下。
他說，第一天你們來渡生日，第二天是你們中國人的中秋節，第三天是結婚週年紀念又是國慶，真的 well planned holiday 呀！
文章標籤
全站熱搜
really well planned hoilday ar!!! 基乎每一天都有節日慶祝呀~~~~ [版主回覆10/12/2012 23:09:43]所以先至咁重鎚去馬代咋！
寫得好有心機， 想問d 野： 1) 由room balcony 下水， 有幾深水呀？ 2) 水低的相有珊瑚有魚， 係咪要游出d 先去有這靚景？ 3) lunch hour 你老公吾飢餓咩？ 4) 個package 幾$? [版主回覆05/25/2013 17:28:30]房間內玩唔到浮潛，所有馬代的水上屋，不論酒店，都只在露台才能玩，潮漲時水很深，也很大浪，我選的 Vadoo 叫做淺，一般最好在酒店畫分的浮潛區才去浮潛，多D 魚和珊瑚。而家馬代主要客源有 25%是中國人，所以有中文餐單，如果要講但又怕麻煩，可以選能有中文服務的島才去。你看中了那個島？另外，熱門的島要半年前訂的，基本上，不計美佳航空，在亞洲，只有馬航、星航和斯里蘭卡航空才有航班去馬爾代夫，所以在旺季，機位很緊張的。 [ka wai回覆05/25/2013 11:33:25]hello,請問房間內可否玩浮潛呢？因我出年先去，我應該要早多少join呢？？因我唔請英文，在島上可如何溝通？？萬分感謝^^ [版主回覆10/13/2012 12:49:55](1) 呢個真係好難答，我 6:00 am 見到水深只是兩級樓梯，早上有清潔工人擦水屋柱和木階梯，水深只到膝蓋，下午水漲，十級樓梯只剩一級。 (2) 九月份，Vadoo 最佳浮潛時間是 9:00 - 11:00 am & 2:00 - 4:00 pm。潛水可以問 diving centre 看潮汐漲退表的。 我地唔識游泳，其實行到 20- 25 步 (水深未及腰) 已經有珊瑚魚，我只是蹲著『未』水 (雙腳掂地0架! ) 已經有好多魚，出遠 D 就更多。又可以帶白麵包餵魚仔。 據說出海，(深藍色斷層reef edge ) ，超多魚群仲靚。浮潛已經睇到。 (3) 他吃杯麵呢！所以很多人 deadline 前call 早餐入房 (最後送餐時間10:00 am), 當作 bunch，叫多 D 0野食。如果過了 10:00 am 才送餐，要收 US$20 (忘記是否 per head) (4) 我經 Xpert 訂，當時做 special package。九月是 $10680 + 2780 (fuel +tax)只是三晚。另外自訂晚餐，但一定要訂足三晚，不可只訂某些天。最後個人覺得 package 有點怪，第一天只是睡酒店，馬代酒店很貴 (當時$3200 一晚!)，浪費了。一般去馬代，都是晚上到土步住一晚馬里 Traders hotel (Shangri La) ，約 $1500一晚，而最後一晚無0野食，在機場超貴吃漢堡包。
因為個島近male, 所以不需搭飛機， 所以只係2日3 夜， 不過room d 相好少呀， 睇吾清楚balcony 呀， 多谢你回覆 [版主回覆10/13/2012 13:55:03]去 villa web site 可以睇多 D 相。Agoda 都有相。http://www.adaaran.com/prestigevadoo/gallery/photo-gallery.html
anup都好佩服你哋咁Well-planned, 都係天時地利人和, 又咁啱係中秋節, 你又一早plan定, 真係旅遊"精"..^^ [版主回覆10/14/2012 10:28:04]有咁0岩撞正咁多特別日子，所以盡地一煲去貴D 0既馬代，去天堂，真係好貴呀！
日落景真係好靚, 不枉此行.....! [版主回覆10/14/2012 10:26:39]我覺得呢日真係好好彩，唔係日日有咁靚。仲要係下午0個時大風大雨添！
人間天堂！ 黃昏好似火燒雲@@ [版主回覆10/14/2012 10:24:28]係呀，影完蛋黃先至出現彩雲，原來有雲都係好事，夠高就得啦。
honeymoon去有特別優惠? [版主回覆10/14/2012 10:22:27]都係香檳一支，房間裝飾、 蜜月蛋糕之類