這一篇博文跟旅行無關,而是有感而發。
去年姐夫突然辭世。令我們非常震驚,因為事前全無患病徵兆。在菜館準備點菜,突然暈倒,咁就走咗。
最近這兩個月,小飛同系的兩位同學,相繼離世,不禁令小飛懷疑人生,是否已到達要走的這一個年齡層。
小飛其實覺得自己呢個年紀都仲係後生㗎。
上星期跟小峰討論這件事,他關切地說最緊要保重身體。也就給我說最近的一個經歷。
前星期小峰上班的時候,遇上了另一小區的男子發生意外,據路人說, 他踢到了小石頭跌倒,但不幸地頭部撞向花槽的鐵欄,頭部流血不止,陷入昏迷。
小峰上前幫他做心外壓。
我說:「嘩!流血流到啤啤聲,你唔驚嘅咩?」
小峰說:「怕什麽?如果不幫他急救,他會死的,要幫他恢復心跳和呼吸啊!」
我說:「如果係我就一定即刻打999,邊夠膽走埋去,流晒血,好恐怖啊!」
小峰說:「大家都打120(全國統一的医療急救電話號碼),我還打什麼電話?不立即施救他會死的,就算打120,他們也不能立即到達。」
小峰說,雖然有路人說,那個男子踢到小石頭跌倒,但他認為這個男子應該有病,因為他看到男子躺在地上,並沒有本能反應地用手來保護自己,他有一只手被身體壓着。
「想想自己跌倒時,會做什麽動作?」
這位男子最後被送進了醫院,不過當時仍然是昏迷狀態。
小峰說,希望那個男子沒事,他這幾天走過小區,沒有看到有人做白事。原來在大陸辦白事,三天就可以搞定,極度神速。
不過他之後又說,那個人如果送進了ICU,一天的住院費都要過萬。以他的嚴重程度來說,住ICU足夠他破產。
唔死得都大鑊。
可以死, 唔可以病。
大家一直都垢病香港的醫療制度。但如果病,唔死得,夠長命去等,只要唔係重病或食鏢靶藥,住醫院都係$180一日。
原來香港政府的醫療福利都算係咁,只係唔夠醫生唔夠護士唔夠病床。