隨心而行

今日係行程最後一天，先去『波上之神宮』，最後一站係國際通買手信，下午乘機回港。

一早起身，雖然 9:00 am出發，但都要 7:30am 起床執好行李，今天厚雲。

其實景點冇乜特別，但整個沖繩得一個鳥居，所以在行程上都會0黎睇0下。

領隊話，0黎到都係祈福，願祝身體健康。他教團友投 5 Yen祈福，因為『五円』的發音跟『ご縁』相似。

這裡只逗留20分鐘，我有興趣的是神宮後面的海灘。如果沒有那道橋，風景可能會更美。

好！購物時間到！國際通！整條街全長 1.6 米，主要是賣土產。

買了一件 T shirt 給小朋友，designer 的，要￥3240，都幾貴。

特別走去鹽屋試吃雪糕，￥380一杯，真係好鹹。

可以自己灑不同味道的配料，有抹茶味、椒鹽味、辣味、好像有七八種，但其實雪糕已經非常鹹，那片『金楚糕』(餅乾)都係鹹0既。

最有興趣都係買呢個泡芙。一般店舖只有椰子味(白色)，『鹽屋』店可以買到六種口味：椰子、黑糖、紅芋、朱古力、草莓、百香果。我沒有試草莓和朱古力；椰子和黑糖我覺得很鹹，所以只買了紅芋和百香果。其實，紅芋都食唔到紫薯味0既。￥360一包，稅入。呢度駛0左￥2880。

嘩！吸睛呀！不過玩具唔買囉。

手信買唔夠，又去御菓子御殿買紫薯蛋糕，呢度又駛0左￥5020

呢D就係今日0既戰利品。Winnie 話我做乜買咁多0野。邊度多呀？一眼睇晒啦！

0黎沖繩，都係買紫薯、菠蘿、青檸、黑糖零食，目標好集中0架。

去0左一間叫東寶堂0既零食屋，好似手信平少少。如果買一個 item 超過￥1000的手信，可以選擇不要紀念環保袋，會減￥100，我梗係唔要紀念環保袋啦！買0左D紫薯味 Kit Kat 百力茲同軟糖，駛0左￥4740，今日0係國際通呢度買零食買0左$800幾蚊，係咪傻0既呢！不過好好味呀！

雖然行程很休閒，但上天一直對我們十分眷顧，到了走的這一天，午飯後要出發往機場時才下雨，到我們出發上車時，雨就停了，真係好好彩！

Hea 0下 Hea 0下，就過0左五日。上次去北海道五天，9.8 kg 去 36 kg 返，駛0左$3萬6；今次 7 kg 去 25 kg 返，連團費貼士都係駛0左唔到萬三蚊，真係好克制呀！

 Budget