蕩漾琉球 (6) - 海底玻璃船 - Day 4 - Nov 24, 2015－隨心而行

一些團隊在回程時，試坐單軌無人駕駛車，不過我們的團沒有這個玩意。由於大部份沖繩人都有車，所以這個單軌電車的班次不如我們在意大利佩魯賈那般密集，據說平均半小時才有一班，一班有兩個車卡。

下午的行程，是坐船看海底生態。呢樣0野，上次在印尼峇里睇過，在北海道又睇過，所以，都知道其實冇0野睇0架！但係出海 hea 0下都好0架！

嘩！見到個天咁樣，真大鑊！

好彩另一邊好好天。

呢架遊輪，認唔認得？就係麗星遊輪啦！領隊話，而家國內人0黎日本，首站一定要0黎沖繩，然後才可以去其他地方，坐郵輪到日本，好似佢0地係唔駛做簽證0架！

行到海中心，開始睇珊瑚。從玻璃船看到的珊瑚，冇乜變化同款式。

回程時，有驚喜。沖繩是日本唯一有三軍駐守：海上自衛隊、陸上自衛隊同空中自衛隊的地方。正當見到這個登塔，我走近船邊，用手機想影張相畀鍾意燈塔的小朋友 Clement 時，突然『呼』的一聲…

有兩隻『烏蠅』飛過

咦！原來係戰機0黎0架！以為睇緊 Top Gun 呀！飛得鬼咁快，『呼』一聲就唔見0左。

二次大戰結束後，美軍接管，設有空軍基地，大約四十年前才歸還日本。我看過一部頗有趣的電視電影，名字叫『三億円事件～20世紀最後の謎』，內容講1968年12月10日轟動全日本的三億日元現金盜竊懸案。至今犯人尚未捕獲，七年內花了九億，被懷疑的疑犯多達十一萬人，留下證物超多，卻又無一人為匪徒，無法破案。此案已經過了追溯期。犯人作案手法巧妙成為日本歷史上最神秘的案件之一，去除通貨膨脹因素也是日本迄今為止被盜金額最大的案件，相等於現在約30億日元。更神秘之處，那些被盜取，有號碼紀錄的現金，距今45年仍沒有人使用過。

1975年，澤田研二曾以此題材演出電視劇『悪魔のようなあいつ』，收視爆燈，主題曲『時の過ぎゆくままに』(鍾鎮濤的『讓一切隨風』) 唱到街知巷聞；到 2014 年，依然有電視劇以此為題材，由田村正和主演。不過我看過北野武在 2000 年的版本，這個完美犯罪仍未破案的原因，是其中一個共匪，由長瀨智也扮演的美日混血兒，父親是水兵，住在沖繩，贓款收藏點正是他所住的美軍基地，日本人根本不能查，這個是當時相當新的論點。

返去旅遊車，我們下一站又去血拼，路上仍舊好風光。