回家了！好緊張呀！ @ 隨心而行

每一次回家 (以前是探男朋友囉) ，都會很緊張，唔知小峰變成什麼樣子？

講0下聖誕節。
前陣子在團購買了一些漂亮的巧克力，送給同事做聖誕禮物。個造型，真係好靚呀！

過往對於雪人完全沒興趣，但這個雪人很可愛和鮮豔，忍不住就買了 3 盒巧克力。

點知……

去拿巧克力的時候，沒有留意檢查，就拿回家。返到屋企，發現原本一盒8片的小盒裝，只得7片。聖誕樹包裝，0下，東歪西倒。

呢間係比利時公司，咁0既事情會發生，有D 騎呢囉。

因為團購是半價，我又唔想為蝕0左 $10蚊再走一次去尖沙嘴，都打定輸數，但照寫了 e-mail 給這間公司，告訴他們下次小心D。買朱古力0黎食，係為0左開心嘛！呢件事會令人唔開心0架！

他們回應非常快，第二日朝早即刻回覆，並說只要我幾時可以去尖沙嘴的店，他們會送回那只雪人朱古力。(不過我要來送禮，個同事就少0左一粒囉)

今日公司 Xmas Buffet，我順便去一趟。那位滿頭白髮，成個教授似的比利時店長說，『已經沒有雪人了，給你第二款好嗎？』(是但啦！)

『你要一粒，我畀唔到你。我畀兩粒你0丫！』(1 pack)

哈哈，係聖誕鹿！好開心，多0左一粒。