隨心而行

跟小峰分隔兩地，一年才見幾天，所以會整好多0野，等呢位老公記住有一個老婆。

而家我問佢，你愛唔愛我0架，佢會話唔開心，因為即係唔信佢。

所以，唔可以好似以前咁，亂up 0野。

但係，小峰其實唔係好知道我鍾意 D 乜0野0架。兩個人仲係要多 D 相處。

我估我0地真係怪怪地，我細佬特登買0左部 Lenovo 送畀小峰做結婚禮物，等佢同我多 D Skype，但結婚咁耐，我0地只係 skype 過兩次，而家仲連 e-mail 都唔寫，情信更加唔駛諗。

追趕生活的人，很容易『忘記』要重視身邊的人，就算是自己的父母。

*****************************************************

前些時談及送禮物，blogger 柴虹B 講0左句好應棍0既說話：男朋友好多時都會買 D 自己唔鍾意0既0野。我想補充，見到男友買 D 唔鍾意0既禮物之後，自己仲要扮到好鍾意，收到好開心添！呢個先至攪鬼。JM 無理由無呢種經驗，係咪？

所以我同小峰講，既然佢有時會買飾物畀我，現在就讓他看看我平日的收藏，(真係收藏0黎0架，因為已經好少戴飾物，但又會買，女仔都係鍾意靚0野0既)


我愛藍。在橫濱買的項鍊，朋友都說很漂亮。 前年在旺角竟然看到差不多 style 的手鍊，立刻買下。只是，一次都未戴過，太重啦！

也是藍。很閃的長鍊，五瓣花像梅花。

依然藍。在美國買的飾物，喜歡不規格則的設計。又係無戴過，估唔到條鍊其實好重0架！

這條項鏈很西藏民族風，一見就喜歡，可是戴的機會應該無乜，呢條鍊超重呀！


丹麥的琉璃，因為貴，買的當時也十五十六，最後還是買下，那個琉璃在不同角度下會呈現不同顏色黃、綠、藍的。勁鍾意呢條鍊。

這條閃爍的水晶項鍊曾伴我去『戰場』。

 

這條項鍊算是最唔抵的一條。在挪威買的，原本紅心內有銀箔，因為不捨得戴，現在竟然氧化，沒想到質量那樣差，戴都未戴過呀！是 made in China 嗎？

回歸正傳，『玻璃殺手』。

前陣子寫過一篇『戰利品』。可是……

頸鍊都打得爛，唔認烏龍都唔得。
條頸鍊陪伴我好耐，爆玻璃當時唔知幾傷心，所以打爛0左都拿膠水黐翻。

連意大利馬賽克一樣打得爛


好似無乜特別0既手錶……無玻璃囉！又打爛0左。畀小峰知道原來老婆咁粗心大意，會唔會退貨呢？





神經俠侶中蝦碌婚禮，呢件首飾而家曝光…
http://blog.yahoo.com/_2AGJZ6NXYELIS7MPYB352QLAWU/articles/69215/category/%E5%9B%8D-%E5%A4%A7%E6%97%A5%E5%AD%90

好彩神勇媽媽將隻金 (金厄)由 U 型變返做 O型，不過都好大瑕疵囉。整得翻真係一額汗！

 

 

好0勒，小峰在拍拖時買了什麼飾物給我？
就是那條見到喊三聲的珍珠鍊 (在女人街見到，你會唔會買呢？)
還有一條銀鍊，點解佢會買呢條鍊，我真係唔明0架。不過條銀鍊係 925 0架！當時他收入微薄，幾百元工資卻買百多元的項鏈給我……

小峰不能帶團來香港時，託同事帶來的一面鏡子，當時我還以為叫我呢件豬扒照鏡
http://blog.yahoo.com/_2AGJZ6NXYELIS7MPYB352QLAWU/articles/69091/category/%E7%A5%9E%E7%B6%93%E4%BF%A0%E4%BE%B6

後來他說，這是南疆手繪鏡，細心一看，圖畫竟然是……心裡突然想起陳家洛和香香公主。
當時嚇了一跳，問小峰那些維語是什麼意思，他回覆是平安、幸福，我才定下來。到真正拍拖的時候，他才說，『其實就是向你求愛囉！那個時候不敢說呀！』

仲有就係呢樣。呢份禮物真係點都估唔到。

一個首飾盒！貼滿金粉又會甩粉的首飾盒，好似幾十年前中學時代的盒子。收到時真係 Ar 爆頭。

男孩子對女孩子的心思，我不懂。不過我想，買呢份禮物送畀女仔，咁樣證明小峰拍拖經驗少囉！都係好事0黎0架！