下午到登別時代村，說是忍者村。雖然無聊，但一看無妨。門口一大個伊達政宗像。如果看過妻夫木聰演出大河劇場的『天地人』，後段也有關於獨眼龍政宗年青時代的故事。
還是 figure 比較可愛
Fance推介玩鬼屋和忍者迷宮。鬼屋呢，要撳掣D鬼先出0黎0架！
不過好似除我之外冇人去玩，可能我低B。
見到個女人公仔無乜特別，原來…
最有趣應該係河童
跟住去玩迷宮，真係幾迷0架！幾乎出唔返0黎，入到呢個房仲暈陀陀添！點解0既？點解0既？
3D樓梯，係一幅牆0黎0架！
(乙水)(乙水)轉，終於走出迷宮，出到0黎，見到忍者，幾靚仔0架！
玩完時代村，最後景點是登別地獄谷。上次在冰島亂步地獄，今次濕濕碎。
今次又激死我。Fance 話有一個好位置，叫我0地排隊拍照。我排在第三位。當前面的團友在拍照時，又有兩個不知名的澳門十四人幫師奶突然站在我身邊。0下！又0黎？又係唔排隊師奶！？Fance幫前面團友拍完，兩個左右護法又即刻打尖遞上手機畀佢。後面D團友真係排緊隊0架！我嬲嬲0地，掉頭走，唔影啦！平日都唔影自己0架啦！不過呢班師奶真係好無教養囉！
我幾次都唔發爛喳，因為一講，就肯定影響晒團隊0既開心氣氛。我到而家都仲畀我十幾年前個東歐澳門團友 Dianna 笑我當年沉唔住氣發爛喳。當年我只係講0左一句話，突然成團人靜晒，冇人講0野……
唉！算啦！
見到山裡面有少少煙，應該是高溫溫泉
這晚住的是Grand Hotel，又是非常大的酒店。步行十分鐘左右有一間 7-11，Fance帶我們去逛超市，介紹一些日常食品。結果……一風堂公仔麵成個架吉0左，Alfe透明角質酸飲料和檸檬碳酸健康飲料個架吉0左，水蜜桃0者0厘個架吉0左。仲要冇晒貨第二日都補唔切。真係…… 
張相右手邊的咕噥就係畀我地買晒，再上面仲有一格檸檬碳酸健康飲料又係咕噥，不過我無影低。
當然，同下面新聞0既佢0地相比，我0地冇得比。但諗諗，我0地見識咁多，成日去旅行0既香港人都咁樣搶購，而家先有機會出國玩0下0既國內人，又點會唔瘋狂？
晚上在酒店吃自助餐，食物種類非常多。Xina 在我未到北海道前已經話，去到要多D食雪糕。
D雪糕呢，真係冇得頂！忍唔住口，食左兩次添！真係飲幾多消脂可樂都冇用！
抹茶、蜜瓜、青檸味道雪糕和雪芭
今天的戰利品：綠茶味Kit Kat ，其實可以在 Aeon 店購買，只需￥267。這是最後一天才發現的。
綠茶味Kit Kat ￥1000/ 3 pack
Vanilla Coke ￥160/bottle
消脂Coke ￥170/bottle
桃汁￥100/bottle (領隊介紹，的確非常好味)
伊右衛門特茶 ￥183/bottle(領隊介紹，茶味很正)
lemon lemon 健康飲料￥183/bottle
Alfe (鐵質健康飲料) ￥238/ bottle
巨峰0者0厘 ￥204
買0野買到有得抽獎，結果抽到這些獎品。那個桃味汽水麻麻
買地道零食手信，『登別』字樣的可以在當地購買，其他零食則基本上隨處可見，如果跟團，可以在狸小路購物街才買，有購物券可免稅加九折，平18%啊！。如果自由行，又不是買過多，其實可以在機場免稅店才買，都是公價的。
登別地獄鬼餅乾￥1080/ pack
登別鬼之宴紅豆栗饅￥648/ pack
Royce Fruit Bar Chocolate ￥756/pack
Royce Pure Chocolate ￥756/pack
白之雷神Chocolate ￥360/pack
鍾意食紅豆同栗子又嗜甜的，會喜歡這個。我覺得除了甜0左D之外，做得非常滑，真係好好味！
留言列表
