我們住的酒店頗大，特別是房間，去過日本，大家都知道東京、大阪的酒店房間有多狹小。
行程的第一站，登別海洋城。這個應該是非常『大路』的景點，一早預了沒有什麼看頭，當作悠閒假期，這樣會覺得好玩一點。
領隊 Fance 是一個不得了的傢伙！我跟團去旅行都不算少，這位仁兄，是我第一次遇上，第一天已經認得晒叫得返我0地41人個名；而且，他攪到客人冇得在車上(目訓)覺。一上車， Fance就不斷的講，講到落車，直至第五天行程完結！最重要是，言之有物，歷史、地理、人際、保健、飲食……佢黐線0架！
當然，仲有佢令人佩服的營銷技倆，心甘命抵去買0野。點叻法，遲D再講。
點都好，非常佩服！唔似得永X，剩係識得講屎尿屁，呢間已經畀我 ban 0左。
所以，雖然說五月底冇花睇，但我好慶幸參加到呢個團，好0既領隊/導遊，真係好影響個團好唔好玩0架！
Fance 說，很多團隊到了海洋城便自由活動，但他喜歡先帶客人到重點，然後才自由活動。首先去拍照，一萬條銀魚的水族箱
原本大家都在排隊，讓 Fance幫我們拍照。當下一個快要輪到我時，突然身邊多了兩名左右護法，Fance剛幫前面的團友拍完照片，兩名『護法』立刻遞上她們的手機，我往後望一下正在排隊的團友人龍，忍不住說，『乜大家唔係排緊隊0羊？！』兩位澳門師奶睬你都傻，扮聽唔到，一個箭步走到景點前。唉！
影完相，就去睇表演，第一場海獅和第二場海豚。雖然有人話，咪又即係海洋公園。咁，睇0下人0地個海洋公園都好呀！
最後玩0既，就係睇企鵝巡遊。唔係未見過企鵝，但咁熱，咁近距離，都係第一次咋！
其實我覺得佢地好可憐，要佢地日日巡遊，算唔算虐畜呢？
看完早上所有表演節目，自由時間去看四層樓高的旋轉型水族館。
水族館最特別的地方，是其中有三個池，可以觸摸海星和我最鍾意0既魔鬼魚！
魔鬼魚原來滑潺潺0架！而且，畀人摸，會『發老脾』0架！
正當我在第三個水池，和一對亦來自澳門的夫婦團友，看那個紅色海星時，團友太太突然說：『果D人有冇攪錯！』
我華麗轉身，一望，原來澳門十四人幫的其中六個師奶，竟然把海星撈起放在乾的水池邊在拍照，隻海星已經不是五邊角，有一隻腳攣0左好似好痛苦，呢班人，真係有冇攪錯！
看完水池，便看一些樣衰衰但其實可愛的動物
這個水族箱讓我駐足良久，那幾種魚太漂亮了！
留言列表
