真的忍不住。
剛從波羅的海回來，同組同事黃菲也舉家從日本旅遊回來。平日只會去台灣、韓國，今次認真大手筆。黃菲說，日本的東西真的好便宜呀！咁，有幾便宜？
第二天，另一位同事走過來，問我吃了她的手信沒有，又請食日本蛋糕。
過了幾天，同組同事BB向我申請假期，說四月底跟朋友去東京玩幾天。好吧！
之後，我那位十年也不去旅行的工作狂總監，發 WhatsApp 給我，說五月初會跟太太去青森和山形賞櫻。在這個時候，其實我的姐姐剛出發去了北海道賞櫻。
就在與總監 WhatsApp 期間，另一位同事愛菲走過來，又係請食日本旅行手信！
我就0黎黐線啦！
我跟總監說，實在忍不住了，我想要假期去日本。總監回覆：『咁你咪申請囉，我批。』
嘩！老細竟然話批，立刻走去問我那位同樣喜歡去旅行的同事胡小姐有什麼建議。誰知道，原來她已身在福岡賞藤之花！
不管三七二十一，我渣渣淋拿假，翌日是勞動節，走去東瀛遊報名，求其找了個成了的團去玩。
報名之時，湊巧 Rowena發 WhatsApp 給我。我說，剛去了報團，目的地，北海道。
Rowena 話：『你係咪退休人士0黎0架？』(唔駛返工0架！)
言談間，才發現原來五月底去北海道，乜花都冇0架！
跟冰島團友 Freda 說起，她和 Raymond 會在六月去北海道，富良野賞花加十勝溫泉！『五月底，真係無花呀！』
好友 Xina 是日本通，她說：『呀！五月底北海道不是花期，真係無花喎！』
是但啦！已經報名，當作放幾天假。臨出發前，又有同事 Twins 請吃手信…剛從東京回來。
你話0丫，點忍呀！
寫這篇遊記的時候，跟舊同學吃飯…E君剛從大阪回來，C君下星期去立山黑部，H君下星期去東京。飛車歌舞十人組正預備八月北海道自駕遊。
Exchange rate - @100 yen = HK$6.2x , 死未！
我們的團，41人，大團，浩浩蕩蕩。
拉麵橫丁內的帶子叉燒拉麵，附三只煎餃 -1500 yen，我覺得味道其實一般。
札幌有一間著名的布丁小店，其門如市。領隊Fance介紹我們吃原味焦糖的一款，自己各自入店內買。
團裡面，有一群是澳門十四人幫，我不是嫌棄老人家，但師奶們真的十分頂癮！狹窄的小店裡塞滿團友，都在排隊買布丁，當我快要排到櫃檯面前，突然有兩名肥師奶，用其非常熟練的鑽人叢手法，鑽到櫃檯面前，聲大大的要12個布丁。一下子，原本凍櫃裡的布丁，就全給她們拿上了！
一直排隊的團友，畀個面，不說她們打尖，但想買的東西沒有了，大家都在起哄。
之後就是包裝。日本人，超不環保，￥350買樽布丁，竟然係玻璃樽，每樽一個硬淨手抽紙袋。澳門14人幫用廣東話叫那位日本店員妹妹仔可以幾樽放在一個紙袋內，妹妹仔不懂廣東話，既尷尬又徬徨。肥師奶罵她蠢，唔識聽佢0地講乜！
擾擾攘攘，我真係火滾。離開了店，返回街上，見到Fance，我說：『裡面亂晒大籠，個店員仲畀人鬧唔識聽廣東話！』
Fance眼仔碌碌：『唔係嘛！我教0左佢地買0野點樣講日文囉喎！』即時走入店裡化解。
幸好店舖仍有那款布丁供應，十四人幫離開後，大家繼續排隊，不知幾暢順。
唉！唔好淨係識得話國內同胞係蝗蟲，睇翻自己做0左乜0野！
焦糖布丁 - 350 yen
留言列表
