隨心而行

2007年新年後，跟北疆團友第二次聚會，我們在討論去雲南元陽梯田拍攝。

http://hk.myblog.yahoo.com/ryuhei05091983/article?mid=1599

Joanne，佩雯、朱伯伯，他們各自參加團隊到元陽拍攝，弄得我和 Lucien， Charlotte 和亞博，和另一團友亞強心癢。聚會之後，我們也決定明年二月新年後，到元陽一行。

http://bokbokland.com/Travel/yugu08/terracecover.htm (亞博的作品)

2008年發生了雪災。我和 Lucien,  亞強和 澳洲梁生的旅程延期至三月。當時參加了『博覽行』的團隊，我打電話給老闆Tony，他聽到我們將有4人參加，就特別開團收客，我和Lucien, 亞強也付了訂金。當時也跟小峰說，不如跟我們一起去旅行照顧我，我們在昆明會合便可。可惜小峰有工作在身，最後都沒有答應陪我

差不多二月份，梁生因工作事忙，無法返香港，我立刻致電旅行社，口頭告訴他們梁生不參加。而由始至終，梁生沒有付過訂金。

因為元陽梯田是很熱門的攝影點，所以很快團隊便成團。到了3月16日出發前一星期，旅行社也打電話來要求付尾數及約時間開茶會。當時旅行社聯繫我的是 L 小姐，她並提出叫梁生付款。

『0下？我咪通知0左你0地梁 x 唔 Join 團囉？！』

L 小姐話：『係0羊？咁我改翻記錄啦！』

過了一會， L 小姐打電話給我：『因為你0地少0左梁X 小姐，你得翻一個人住房，要付單人房附加費 $1800。』

『唔係喎！由頭到尾都係得我一個女仔，梁X 係先生0黎喎！我唔會畀單人房附加費，你0地搵女領隊帶團咪得囉！而且，返大陸，邊有單人房附加費0架？又唔係去歐洲、日本呢 D 貴地方！』

『唔得呀！已經派了領隊，而家轉唔到女領隊啦！真係有單人房附加費0架！我問0下睇0下有無得平D 啦！』

剛好同事胡小姐在身邊，她聽到我的事情，竟然對我說：『乜呀？邊有返大陸要單人房附加費0架？唔好畀呀！』這時，L 小姐致電回覆，費用不能不付，不過可以減至 $1200。

胡小姐在我身邊說：『唔畀！最多退團！減價都唔得！』

0下！我想去旅行呀！仲約晒朋友呀！不過，小飛在同事面前又唔衰得，結果扮惡，用很決絕的語氣跟 L 小姐說：『你減價我都唔接受，你要收我單人房錢，我就退團，最多蝕 $3000。我有同你0地講梁生唔去0架嘛！仲要係梁生唔係女仔，你0地唔問清楚就當佢係我同房之嘛！你地可以調動派女領隊0架！』

L 小姐被我很重的語氣『招呼』了，沒辦法，只好通知老闆，最後她打電話給我：『我0地查記錄，Tony知你係第一個報名來開團，今次發生這樣的事件，大家都有責任，所以 Tony不想你退團，今次就豁免單人房附加費，不過下次唔好啦！酒店真係收我0地錢0架！』

嘩！太好了！ (原來惡就得0架啦！) 之後我們約定時間，到『博覽行』開茶會。

當然，發生這樣的事，會報給小峰知道。小峰說，『現在真的有單人房附加費的，你們還住昆明，大城市四星酒店，旅行社沒有騙你，但收客處理時草率了。不過這件事件雙方都有責任，下次都要白紙黑字寫清楚。』

後來才知道，因為旅行社的客人多數是熟客，大家都是喜歡旅行和攝影的，所以老闆沒有特別跟正常的收客程序，才有這樣的事件。無論如何，小飛以後都會醒目，免得大家出誤會和錯漏。

之後開茶會，L 小姐講解行程 ( 領隊另人)，我們就在3月16日出發。

P.S. 上面提到被我野蠻糟質的 L 小姐，正是之前誤打誤撞到了我的博客的『姑姑』。當時我向小峰提到跟旅行社的 L 小姐『交手』，小峰說，那是領隊呀！跟她合作了幾次，是個很男兒氣慨的女子，因為曾經合作帶團，所以 L 小姐也知道小峰是臥虎藏龍的『醫師』。這樣，L 小姐畀我鬧過，我又見過佢。但佢又唔知我係邊個，更加唔知原來我就係小峰0既野蠻女友。