吳哥窟矇查查之行（1）Day 1 - Dec 15, 2011 @ 隨心而行

今次參加美麗華旅遊的吳哥窟一行，真的『損失慘重』。一開始報名就有點騎呢，不過信那個職員說話，心想人家是專業嘛！不要質疑別人的專業，呢次就衰0左啦！

話說他們的五天團有AB團，相差只是500元，報名時問職員有什麼分別，其實朋友一開始就說落後國家，都係揀A 團，又唔係貴好多。但職員說，其實兩者只係5星同3星酒店的分別。他們選用的酒店，就算3星都ok 0架，根本唔駛畀多幾百元住5星。咁，5星就梗係外型靚 D 啦！在期間不斷說無必要住貴D。我和朋友感到很奇怪，旅行社唔係鍾意客人買貴團0羊？之後問0左佢好多問題：

- 乾唔乾淨0架？有無熱水沖涼？
-有無鬼0架？
- 距離A 團酒店遠唔遠o架？........
- 偏唔偏僻？要幾耐車程才到？治安點o架？........10分鐘距離，好近o架！吳哥窟個地方有幾大o丫？
- 領隊住邊o架？....一定係B酒店，公司邊會畀錢領隊住貴酒店？從來都無。
- 會單人夾嘛！........都唔會畀領隊住5星酒店o架！

樣樣都好似ok，仲話領隊係一定住B 團酒店，就算單男或單女，都係一定唔會住到A 團5星酒店o架！就係咁，我同朋友覺得個職員想同我地慳錢，既然領隊又一定住 B團酒店，有照應，我地就報了B團。

到了起程前一晚，領隊打電話給我的朋友，說我們是唯一一組報B 團，女領隊跟其他13個團友一齊住A 酒店！

o下！咁都得！我自己跟小峰住慣 cheap cheap賓館無所謂，但我的朋友平日少出旅行，而且一定跟團，她當然很擔心。我就立刻打電話給領隊，要求轉A 團，個領隊話，以為我地因為價錢問題，所以特登報B 團。我話，500蚊，出街食飯兩餐都去o左啦！你同事出力推介我地先轉B 團o架！就講翻當日那個職員點樣推介我o地。

原先我想，時間太趕了，明天就起飛了，能轉團的希望不大，不過還是搏一搏。結果，飛到去金邊午飯時間，終於回覆，梗係轉唔到啦！

當時真係好{男女男}。點解旅行社編排團隊時，發現個團叮o左兩個女仔去 B 團，領隊又唔同埋一齊，都唔會問0下個客，會唔會upgrade做A 團。他們出團在編排、行程上也容易嘛！仲有係如果我0地兩個女仔有乜事咁點算？係咪畀少500蚊住得 cheap D 就話之你死？

美麗華做o野真係好唔細心！

去到金邊，當時我直情黑面鬧領隊，個領隊好驚，畀個熱線電話我叫我返到香港投訴 {你話佢係咪 shock shock 地？梗係解決目前情況先再講嘛！} ，又畀我 feng 完一輪，之後就話在酒店有乜事可以打電話畀佢。半個鐘頭車程會到！聽到咁我仲興！24元一分鐘，點打電話畀你呀！你畀錢呀！仲要半個鐘頭先至到，唔係10分鐘o羊？！

之後佢唔知o係邊拿了張當地電話卡給我朋友，話有乜事情可以打電話畀佢或導遊。

事情已經無轉寰餘地，我們只好住B酒店。有個師奶團友話，她們揀A團，5星酒店早餐豐富D 嘛！3星酒店邊有好食早餐？嘿！我又真係沒想過這一點。

第一天

飛機上看到三河匯流，最初不知是什麼，現在想起，可能就是導遊說的四河交匯。包括上湄公河、下湄公河、洞里薩河、百色河，四條河流交匯在金邊市區的東邊，因四河匯流而被稱為「四臂河」。