5月的布吉，正值雨季，所以沒有什麼寄望。
第一天，勞動節，11:30 am 飛抵布吉。雖然曾向小峰說不要到機場接我，車費太貴了，600B 一程，半小時左右，差不多HK$160。但心裡想，如果他真的過來接機就好了，驚喜嘛！
當然，小峰沒有來接機。不過也不要緊的，他在酒店等我也成。
到達 Laguna Holiday Club Resort 見到小峰，很失望，他因為天氣太熱了，竟然剪了頭髮，變成那種國內同胞的剷青頭！
無計，唔剪都剪0左，只好接受。
而安排 Spa 和出島的 陽光旅遊陳小姐已在 lobby 等我，老實說，她真的如泰友營的營友所言，好倔呀！雖然感覺不很好，但營友說過，她們是很交帶的，而且是香港人，有事時會給我們協助，所以 出島package 多付一點點也幫襯她們。(1300B + 200B extra 車資)
攪定酒店 check in, 跟小峰吃午飯。
泰國美食多，大家都知，小峰帶我到他下塌的 Allamanda Laguna Phuket 吃午飯，卻不斷地說東西不好吃，他們工作人員來了一星期，現在連酒店包含的早餐也不吃了。
去到 Allamanda 的餐廳 Albatross Bistro，終於明白，原來他們吃的是『工餐』。因為整間酒店幾乎給小峰工作的 A 公司包下了。
午餐吃碟頭飯，例湯加汽水一杯，每位 180B！所言非虛，我也不想吃。不應說酒店的膳食味道不好，只是一分錢一分貨。
呢個無味湯係當日餐湯，下面的圖是昨天小峰傳來的碟頭飯餐。 去泰國，真係無諗過食呢 D。
午飯間，小峰的國內同事過來閒聊，他負責出海珊瑚島安排。我說出海好玩呀，他卻搖搖頭說，不好玩，每天對著海，還對著一群蝗蟲……
嘩！我唔敢咁講，怕人說我分化和歧視。他卻仍說：『他們真的像蝗蟲那樣呀！吵死了！遲些你遊玩時就知道。』
飯後返回我住的 Holiday Club，兩間酒店相距五分鐘路程。
簡直是示範單位！有客廳、睡房、廚房、飯廳、露台。這間房竟然令我覺得好像在『家』一樣而非酒店。
因為小峰要工作，我獨自一人在渡假村遊覽。很意外，今天天氣很好，多謝上天的賜予！這天也是我來布吉，天氣最好的一天。
『著名』的白色小教堂，可讓情侶舉行結婚典禮。
前 Sheraton Resort，現為 Angsana Resort
渡假村內唯一的購物點。另外可乘的士 (150B) 約 5分鐘到外面的 Tesco Lotus Supermarket購物。
戰利品。 200B /pc 的水晶手鐲
村內的免費船供遊湖。
這個構圖似油畫，可以給姐姐臨摹
回到小教堂，幻想著如果在這裡跟小峰舉行婚禮會怎樣。
小教堂旁邊的心路
走到 Angsana Resort，這是我看到 Laguna 內最漂亮的 resort，感覺比 Banyan Tree 漂亮
無端端影一餐，係咪好 hea 呢？
逆光風景，真係無端端影一餐
好想試0下坐呢張凳，但人短，唔知點坐，挨唔到埋去個 cushion 度0架！
再往前走，唔得，真係想坐呢張凳
呢張相就係『匿藏』在椅子裡面拍攝的，超無聊
據說，走到酒店這個頂樓，可以看到 Laguna 全景，但我找不到那個入口
最後去了 Banyan Tree，裡面點靚睇唔到，不過被這個浮雕裝飾吸引了。
雖然拍攝的照片好像很寧謐，其實身邊…… 一車一車的『蝗蟲』不斷略過。來布吉前，同事說這裡就是外國人旅遊勝地，到處英文指示，不用擔心溝通問題。而我所見，只聽到國語，簡體字
『普吉欢迎你』！
中國人能花錢的力量真大！
回程時，同坐 shuttle 的是被 A 公司聘請到 Laguna 作攝影的香港同胞，講廣東話呀！
可是，他們討論的卻是被偷錢了，誰人給偷了 1300B，自己不見了一些人民幣，酒店的人手腳不乾淨…
他們的對話讓我起了戒心，回到房間，立刻去找小峰給我的家用，人民幣在這裡不能用，當然不會隨身攜帶。
誰知，真的不見了！翻箱倒籠也找不著，唯有等小峰下班回來自首。
他幫我找了一遍，也是找不著，我問係咪我老人痴呆，其實佢冇畀我0架！
小峰梗係畀我激死。
他說，這裡的人很友善，覺得不是酒店的人偷錢的。
最後我們選擇了最簡單的方法來處理，就係……(目訓) 一覺！目訓 醒 D 錢會自己出0黎0架！
所以，食完紅豆沙就 (目訓 ) 覺。
文章標籤
全站熱搜
小飛, 你次次都有D蝦碌野發生嘅!! [版主回覆05/13/2012 17:20:20]係啦，都唔知點解，其實我一向好醒0架！
第一眼想起李嘉欣，第二眼竟然想起白韻琴← [版主回覆05/13/2012 17:18:44]白姐姐年青時都係美女一名。或許李嘉欣老0左會似白姐姐都未定。
環境好靚ar~~~~ [版主回覆05/13/2012 17:17:23]天氣好，真係好正0架！
似乎真係酒店既人手腳唔乾淨呀....去布吉時都係要小心d好... [版主回覆05/13/2012 17:16:43]唔係，他們很好，自己烏龍囉。當我報告前台話唔見錢，那個工作人員唔知幾驚呀！ Laguna 得 6 間酒店，有事上0黎，真係聲譽受損，無人去0架。但係防備之心不可無，之後幾天我都帶晒重要物品跟身。
我都好鍾意果d櫈呢, 成日幻想將來有日如果有大屋有花園, 就要買來瞓住hea, 正 [abebe回覆05/18/2012 09:24:09]嘩, 聽到都覺得好嘆呢, 好掛住陽光海灘呀~~~ [版主回覆05/18/2012 00:03:16]果張凳好舒服，我第三日又走去坐，竟然0訓著0左，唔係落雨都唔知醒添！
小飛，你影d相真係好靚，賞心悅目，搞到我都好想去你間resort住呢~!! [版主回覆05/18/2012 00:07:01]我影相好渣，見到人地影靚相都唔知幾羨慕。你D 大婚snap shot ah !!!! 我近日走去小鈴薯個 blog，嘩！ Pom Pom 島超正，我想明年去呀！
一車一車的『蝗蟲』不斷略過-----唔知點解我真係幻想到個情景....好恐怖......好似破壞晒布吉應有既寧靜呀, 係咪真係好嘈架? [版主回覆05/18/2012 00:11:31]形容誇張0左他的同事都算有文化，唔係好嘈，而且好有秩序，都算無失禮自己國家。不過第四日他們出外睇 show，全個 Laguna 變0左死城咁。熱鬧有熱鬧好0既。
環境真係一流呀! 小峰真夠'pop', 連'蝗蟲' 都夠薑講, hehe! [版主回覆05/18/2012 00:14:35]小峰無講，係佢個同事講，但都係國內人，所以好奇怪點解自己人會咁講。我自己都即刻話，唔好咁形容自己人，可能佢見到0既比我地深刻啦。
睇到你老公剪髮嗰度,笑左^^ 如果我老公剪得唔好睇,我會出聲~哈哈.... [版主回覆05/27/2012 16:03:16]你記唔記得我0係神經俠侶裡面，講過我第一次答應見小峰，點知飛到去西安，佢竟然剪0左個剷青頭，當時真係唔想同佢拍拖，實在太肉酸了！所以影 pre-wedding 同埋結婚時，我千叮萬囑，唔准佢剪短頭髮。而家見到佢又剷青，當堂心都實埋，叫佢下次見我，唔准再剪短。