後記：
l 我們參加的是『搏命行』的團隊，日日有日出，天天有日落
l 很高興認識了新朋友…開朗又靚女的 Carol；曾去過南極的女中豪傑黃的雲；高人周師兄；當然還有到過『死亡之地』羅布泊，跟我同房又晚晚忍受我像女鬼梳頭兼成日『He He Hi Hi』，唉到樹葉都落晒的 Helen
(點解 hehehihi？
http://blog.yahoo.com/_2AGJZ6NXYELIS7MPYB352QLAWU/articles/69161/category/%E7%A5%9E%E7%B6%93%E4%BF%A0%E4%BE%B6 )
(點解 hehehihi？
http://blog.yahoo.com/_2AGJZ6NXYELIS7MPYB352QLAWU/articles/69161/category/%E7%A5%9E%E7%B6%93%E4%BF%A0%E4%BE%B6 )
l 從周師兄身上學到很多，不單是攝影，而是做人的道理。要記住，影相要有『主題』呀！
l 某君對我說，如果怪樹林沒有刮起沙塵暴，日落會漂亮很多。我卻認為，在沙塵暴下卻拍到日落，不是更加有趣嗎？
l 今次旅程買了三粒『話梅』，一塊沙漠玫瑰石，盛惠人民幣6元。大梁生說：『竟然駛0左6蚊買石頭，你真係敗家呀！』(知道啦，哎0也老爺)
l 今次我又繼續做身懷六甲的慈禧太后。爬上沙漠，結果被五個人 (王老師、導遊小馬、『見習導遊』小萬…，仲有邊個？)又拉又推才上到沙峰。下次自當繼續努力，畀多D人抬我上去……哈哈！
l導遊小馬…，無獨有偶，竟然是隨團中醫，大西北流行中醫導遊0羊？
l 我影相唔係好靚，但大梁生話拍得顏色幾好，我成日話，我係0黎旅行0既，唔係影相0既，咁影得唔好，0係班師兄師姐面前都無咁瘀。
★ 衣 -
零度至20度，典型大西北氣候，早晚羽絨少不了，下午也未至於穿短袖衣服。紫外線強，要帶帽子防曬，墨超防光，手套防冷，面罩防沙。最重要，一定要帶潤膚霜和防爆拆唇膏，像我這樣不計較不貪靚的人也頂唔順，第二天隻手好似唔係自己0既咁。有人用RMB3.5元買到當地潤膚霜，十分掂當，反而我的北海道馬油完全唔掂。
★ 食 -
『搏命行』講到好差，無啖好食，但團隊隊員都覺得ok, 去旅行兼落後地方一定要將就，大家更覺得團餐比雲南元陽之旅好吃。乾糧是留在銀川至額濟納旗9小時車程悶悶地吃的。早上拍日出五點鐘morning call, 五點半吃早餐，不要接受酒店打包雞蛋搾菜蒙牛硬餅那種由第一天到第五天都唔想食的凍早餐，好的導遊帶你行10米 (其實是100米) 去吃即搓即煮湯麵，跟著去捱一個小時西北風，有個熱早餐很重要。
★ 住 –
五天四夜住同一間金洋酒店，不用日日執行李，仲想點？下午飯後正光拍攝不理想，所以沒行程，日日(目訓) 晏覺，仲有得幫相機充電！金洋是額濟納旗最好的三星酒店，當然是當地星級計算囉！
★ 行 –
走戈壁上的公路，沒有崎嶇山路，不像到雲南那樣心驚膽顫。唯一不好之處就是戈壁灘沒有秀麗風景，也沒有新疆的沙漠公路好走。但景點距離酒店比較近，最遠的也只是一小時車程。日出在七時半至八時左右，日落約在六時十分至三十分，拍攝完回程8點鐘可以吃晚飯了。
★ 上洗手間 –
乾淨，偌大……咁大片戈壁同沙漠，冇理由唔搵噠乾淨0既位置先至去0架喎！
大風沙
黑水城
我去旅行個樣，見到那些像帶上鬼面罩的人，真係好想笑
講起8號仔，諗起李x街。好彩呢個8號仔夠義氣，我地6號仔不致流落戈壁灘。
很低的日落
成班人企定定0係度等羊，可能其實我0地先至係羊，亞領隊符生話，見D羊郁你0地唔好郁，D羊唔郁你0地先至郁…
攪到我畀人話敗家的『三粒話梅』和沙漠玫瑰石
文章標籤
全站熱搜
真的拍得好靚呀！那三粒話梅，真身是甚麼？6蚊很貴嗎？為甚麽說你敗家？ [版主回覆09/06/2012 23:03:31]我加了一張照片，就是那個沙漠玫瑰呢。 [版主回覆09/06/2012 00:01:33]大梁生在笑我而已，買石頭無用嘛！RMB6 買到沙漠結晶當然平呀！我有團友花了 RMB50 買了一塊木碳，檔主說是化石，團友覺得好抵，咁到底係咪真係化石當然無人知，你知國內造假第一啦！大片又漂亮的沙漠玫瑰 (也是沙漠結晶) 要幾十元，居民在他們住的地方執來的，無本生利，當然要有遊客來訪才能賺錢，他們的生活也很艱苦，大家見佢地咁窮，沙塵暴下依然擺檔就幫襯0下 ，幾蚊雞我買來做紀念，覺得很好玩，真係好似話梅0架！不過大力少少掂0下 0的結晶會甩0架，所以擺0左0係公司窗台做裝飾
嘩！你團友真是人才濟濟，曾經到過南極和羅布泊的資深驢友也在其中！ [版主回覆09/06/2012 23:09:30]我個朋友已經好犀利， N年前未流行去南美時，他已經去馬丘比丘…潛水！不過他知道團友裡面竟然有自由行去羅布泊和坐破冰船去南極，他也大讚厲害，皆因兩位都是小姐啊！
HI 小飛, 看來一切回復正常喇!.......你的"金秋"影得很靚呀! 辛苦都抵呀! [版主回覆09/07/2012 00:04:44]當然是跟團時認識囉，我邊識得咁勁0既人組團？不過那個團很好玩，去旅行遇上志同道合的朋友就最爽。後來部份團友還相約再旅行往北疆，因為我已去過，最後沒有參加，走了去九寨溝拍攝婚照，呢個好似重要D。 [裕安玲子回覆09/06/2012 23:45:33]看你全團都是猛人出行, 是自己組團, 還是跟團的奇妙遇上 ????? 真閞心呢 ! [版主回覆09/06/2012 23:16:22]希望真的回覆正常，我的金秋唔算靚，回程時在飛機上睇到師兄那些才叫團友大家嘩嘩聲，不過師兄帶著幾十萬攝影器材去影相，同我呢0的只係去旅行留下吉光片羽玩玩0下的，我就梗係無得比。
你個團真係有好多勁人，我個次又是同團友玩得好開心，金洋算是不錯﹗ [版主回覆09/09/2012 09:40:07]其實唔只我0既團0既，基本上攝影團都係臥虎藏龍啦！大家都唔係參加永x星x康x旅行的那一種旅客，而係志同道合喜歡旅行和攝影。好似我去北疆，有兩個團友自由行去睇過北極光，聽到真係眼都突埋。
WAA...如果我唔識影相...跟呢d 團會唔會好傻仔ar?其實我都好鍾意睇景架~ [版主回覆09/17/2012 23:38:40]我都會同自己講，我去旅行咋，唔係0黎哺蛋。其實參加攝影團都係鍾意影相，好多都拿住支砲…但唔係攝影人，都無所謂，不過你要預0左行程要影日出日落，唔係他條0架，同埋爬上爬落先至睇到風景囉！我怕行山0架，所以要搵人陪我先至去，照顧我。