因為KK園事件，令到我嘅家人非常擔心，問我可唔可以唔去泰國公幹，又問會唔會係假工廠想捉人，所以叫我去。 
又話啲歹徒會喺機場捉人？就算係有工廠車，架車可能會車去KK園 ? 或者中途會𠕇人攔途截劫，擄走去KK園？ 
又話住酒店都好恐怖，可能個衣櫃其實有暗門，夜晚會有人走入嚟房間。 
反而係小峰就唔擔心，佢話主席都已經出嚟做嘢，你哋仲使乜驚？
KK園事件真的重創泰國的旅遊業，我乘坐嘅航班，係四間航空公司聯營，而且係往曼谷和新加坡兩個地點，但航班𥚃，連三分之一嘅乘客都冇，好多吉位。
今次住在曼谷，唔係最繁盛嘅區域，不過都近BTS，雖然話係五星 JW Marriott，但係個大門口都係有好多電視桿嘅。
房間都 OK，個佈局就係對住個洗手間
酒店啲嘢食都幾貴呀，一個 brunch 都差唔多成千蚊
出咗去食飯，酒店直行一個小巷，有一間小餐廳，Sit and Wonder，都幾好食，呢張枱下面係勝家衣車
其實小飛係第一次嚟曼谷，啲人話去曼谷都要做吓 Spa，所以搭 BTS 出去行吓。
做完Spa就去行街，個商場都係賣貴嘢，唯一吸引到小飛嘅就係超級市場啲零食 
隻貓好得意，對面間店舖隻眼球就恐怖 D， 會斬眼㗎！
呢個 Kanom Siam (since 1975) 班蘭 cake 仔真係好好食，現場即刻食，12粒120泰銖，如果真空包裝，可以 keep 成個月，就159泰銖
晚餐就去食麵，呢一碟189泰銖，梅汁50泰銖
喺超市係咁掃零食，結果駛咗$686.46，唔係泰銖，係港幣呀 
所以我唔係小飛， 係小肥。
第二日成日喺工廠做嘢，工廠話夜晚訂咗枱帶我出去食飯，原本我都婉拒，唔係幾好意思，不過真係誠意難卻，最終都係出咗去食飯。
架車越行越遠，好似去咗新界，都唔知去咗邊，仲見到日落添！
個手機唔知點解影到個日落咁，眼見啲水影冇咁紅嘅，但係影出嚟就好紅
架車行咗成個鐘頭，都終於到達餐廳，
原來係河邊餐廳，對面就係紅樹林， 好似去咗米埔。
睇吓地圖，原來係泰國灣，距離柬埔寨都近㗎！
經過上次喺馬來西亞，工廠帶去和牛餐廳嘅經驗，今次小飛就聽話，一早話畀工廠聽．我有啲乜嘢唔食：唔牛、唔蝦、唔蟹、唔酸、唔辣。唔食得糯米，咁佢哋就叫佢哋食嘅嘢，又叫啲我可以食嘅嘢，真係應該要咁做。
食到差唔多天黑，大概7:50 pm，就有「幻彩詠曼谷」，間唔中都有啲快艇駛過，應該係捕魚後返屋企
間中都有啲人兜售紀念品，其中一個就係買彩票，有啲似六合彩。
今晚同工廠都食得幾開心，只係騎呢在呢位餐廳歌手唱歌唱到好似喊咁，" 好心啦, 福心啦 ".......咁又過咗兩日。
留言列表
