有一首日本歌，單名「指」，浪漫悽怨。
同じ夜 同じ星 だけど違う場所
今 寂しくはないのか？
君はどこにいる
人さし指 5本の指 10本の指
君の肩を 胸を腰を 暗闇に描く
君を抱きしめた この生きもので
思い出より 君を憶えている この指で
相同的夜晚，相同的星星，但不同的地方
你現在寂寞嗎？
你在何方？
食指, 5根手指, 10根手指
在黑暗中描畫出肩膀，胸和腰
擁抱著你
我用此手指，從回憶中記著你
我估計今期最多人會考慮的事情，就是接種新冠疫苗⋯⋯到底打唔打疫苗？打邊隻疫苗？都是大家設身處地要考慮的問題。
關於國產的東西，作為世界工廠的中國，相信全球難逃使用 Made in China 的貨品，中國亦有大量的糧食出口到香港。但一說到醫療服務，相信很多人都會抗拒，或猶豫不決。回想起2006年，當我們去北疆旅行的時候，就發生了團友佩雯腹瀉的事件，當時的導遊小峰說，可能她會脫水，要送她到醫院。佩雯就梗係打死都唔制。最後小峰就出動「火刑」，令人眼界大開，幸好佩雯後來不用送進國內的醫院。
事隔10多年，點都好，你依家問我，話要去國內的醫院，我都會唔肯制，因為不了解他們的水平和制度，沒有資訊，所以沒有信心。不過小飛曾經有一個唔浪漫但"淒怨"的 門診經驗。
話說很多年前，小飛要帶鬼佬鬼婆同事上深圳跟另一批外國精英客戶去參觀工廠，在上水火車站落的士的時候，又烏龍上身，意外地被車門夾親隻左手食指。
我望吓隻手指，十指痛歸心，血流如注，即時用紙巾包住隻手指，之後到票務處，我舉起隻紙巾沾滿血的食指，問票務員，「請問有冇膠布？」個票務員大吃一驚，不過回答說：「我哋冇膠布，你入咗閘就會有藥箱」，小飛只好帶同事入閘。
在月台上，我東張西望，看看有沒有車站人員協助，當時有一個月台職員，走過嚟同我講：「小姐，行埋一邊」其實我當時stand behind the yellow line ，佢覺得我阻住佢行過乎？
咁我就同佢講：「先生，請問你哋有冇膠布？」我舉起隻血染的手指，個職員眼突突，一聲不響地，行開咗！
我心諗，咁都得？
跟住火車嚟到，唯有忍痛上火車，好彩在車上停了流血，一站到達羅湖後，有公司車安排接送我們到工廠。
到達工廠，我把同事安頓後，就跟工廠老闆說，我的手指受傷了。老闆是香港人，他檢視一下我的傷勢，翻開紙巾，食指已瘀黑，指甲半脫落。
他說不行，不可以用膠布，擔心破傷風，要把我送到醫院去。
小飛心頭一凜，不計有工作在身，我不想去醫院，但老闆堅持，吩咐他的一個女同事送我到醫院，大約10多分鐘車程到達深圳當地一間小醫院。
辦好門診登記手續，大概等了半個鐘頭，醫生來看傷勢。他說指甲已經半脫落，要把它剝離，另外看看要不要打破傷風針。
嘩！監生剝隻指甲落嚟，咪即係滿清十大酷刑？小飛梗係點都唔肯制。醫生話，唔剝隻指甲，你隻手指會繼續痛，好慢先至好返。我問用乜嘢嚟整甩隻指甲，佢話咪攞指甲鉗剪甩佢囉。
小飛就情願慢啲好返，都唔想受滿清酷刑。醫生就問小飛，有冇藥物敏感，但係小飛就真係唔知道，點知自己有冇隱性疾病呢？咁護士姑娘就話幫我檢驗一下，喺我嘅左臂打咗支測試針，大約15分鐘左右，看看針口有冇紅腫，就知道有冇藥物敏感。
小飛就覺得自己唔會有啲乜嘢藥物敏感啩，過咗15分鐘，姑娘返轉頭來睇小飛，就話唔得喎，小飛有藥物敏感，所以唔可以打佢哋嘅破傷風針。
門診經驗就係咁。自己覺得當地醫院都係正常醫院嚟嘅，不過如果係住院就真係唔知道啦！同埋呢個經驗已經有十年，國內嘅醫院進步程度, 醫學水平如何，其實都唔係好清楚，但應該都先進好多啦啩。
講返打疫苗，冇確診中標，唔駛死； 打咗疫苗反而有機會會死。要選擇，真係頭痕，自行判斷。
留言列表
