德國 (2) - Day 2 - Neuschwanstein Castle (內士雲斯坦堡/新天鵝堡 )

德國 (2) - Day 2 - Neuschwanstein Castle (內士雲斯坦堡/新天鵝堡 ) - April 30, 2017

第二天真好，陽光燦爛。今天只有一個行程，就是到新天鵝堡。

彷彿很久沒有到過西歐，現在的廁所買路錢換了新的制度。從前五毫子歐羅，相兌港幣五元多，很多人情願忍忍忍到免費廁所。而中途站的商店，只見一批批遊客搞搞震冇幫襯，所以行了新制，廁所入場費盛惠五毫或七毫，遊客拿著五毫子收條，可以在商店買東西，你肯花錢，那即是去廁所唔駛畀錢或只畀兩毫子，冇咁肉赤。不過，店裡那有五毫子的商品呢？咁你買0野，店舖就有生意。呢條橋，真係唔知邊個諗出0黎。

結果，每次去廁所，都會買返小小0野。 Ice Cream €3.1 歐羅

這種蛋球，據說很甜

領隊 Panny 在車上，不斷介紹東歐和北歐行程，都好吸引0既，不過，我想聽多D德國囉。

仲有一個非常重要的介紹，就係名聞蕸邇的Rimowa 旅行箱！呢個品牌，同學仔 Donna 介紹過給我，當年佢鬧 ET，買個過萬元0既旅行喼畀個仔做暑假交流生，係咪想個仔出遊時畀人撻0左個行李，我先知道旅行箱可以咁貴！不過，貴得有道理0既！相信絕大部份專業領隊，都會用呢個品牌，因為保用時間長，又襟掟，一分錢一分貨，德國貨品0既品質係有保證。

所以，去到天鵝堡下面的免稅店，大家狂掃喼，在德國買，平三份之一價錢0架！

真係搞到我都心思思，我成日去旅行，個喼好快就變為低成本嘛！

但係，最襟掟0既鋁箱非常重，真係唔0岩我；另有膠箱但鋁邊，都係好重；如果買超輕0既，就係會容易畀人爆格0既塑膠拉鍊款，退稅後都要港紙$3500，心大心細，做唔到決定，所以最後都係決定唔買。

在新天鵝堡食個快飯，呢件已經唔記得係雞定係豬，你話呢？ *^#(^ 不是我幹的

新天鵝城堡 (Neuschwanstein Castle)

新天鵝城堡是19世紀晚期的建築，位於今天的德國巴伐利亞西南方，鄰近年代較早的高天鵝堡（Schloss Hohenschwangau，又稱舊天鵝堡），距離菲森鎮約4公里，離德國與奧地利邊界不遠。這座城堡是巴伐利亞國王路德維希二世的行宮之一。共有360個房間，其中只有14個房間依照設計完工，其他的346個房間則因為國王在1886年逝世而未完成。

迪士尼樂園標準LOGO中的城堡就是以新天鵝堡為模板來設計的。新天鵝堡的外型也激發了許多現代童話城堡的靈感，包括美國加州迪士尼樂園和香港迪士尼樂園的睡美人城堡。

領隊噩耗傳來，原本上城堡訂了巴士的，但因溶雪路面危險，巴士停駛，如果坐馬車上山，要排隊等待兩個小時，所以我們要步行上山，約40分鐘！

春光明媚，大家不介意爬上山，不過真的汗流浹背，氣啾氣喘囉！

高天鵝堡（Schloss Hohenschwangau）

又稱舊天鵝堡或霍恩施萬高城堡，在12世紀建成，成為當時宮廷抒情詩的中心題材，城堡的主人和建造者是施萬高的騎士。

16世紀時，施萬高的騎士全部去世了，城堡瀕於坍塌，並於1800年至1809年拿破崙戰爭期間遭到了嚴重的破壞。由於城堡地理位置極佳，當時的王儲馬克西米連，路德維希二世國王的父親，將廢墟購買下來，並於1832年至1836年加以重新修整。巴伐利亞的童話國王路德維希二世在這裡度過了他生命中的大部分時光，並在這裡接見過華格納。後者從未涉足過新天鵝堡和基姆湖皇宮。高天鵝堡內的浪漫主義風格對國王路德維希二世的性格產生了重大的影響。