隨心而行

神經俠侶 第二部 - 奇緣

愛情故事出動到『利時神婆』，那可不是小峰出現之後，竟然是小峰出現之前。

也就是我所說的，在飛機上寫投訴信時，忽然『叮』一聲想起的事。

北疆之旅，發生在2006年的九月。

約見利時神婆，是2003年中旬。

當時剛在澳洲畢業禮回來，還是流行著塔羅牌，看到報章上的專欄，心血來潮，走去玩了一次，反正不是很貴。

占卜過後，其實都忘掉了這件事。當時問的是姻緣啦。

話說當年神婆看到我的塔羅牌面，猶豫了一會，她說：『你的真命天子會在三年後出現，應該是2006年下旬。再三年之後，到了2009年，會談婚論嫁。不過，你跟這個男孩子的感情不是很甜蜜的，平淡如水，沒有激情，沒有火花。…唔，其實愛情也不一定要很轟轟烈烈的呀。』

唔似我呀！我鍾意有火花呀！點解會咁0架！

『你同你個男朋友分開好遠0架！聚少離多，見唔到，感情咪淡D。不過大家都喜歡對方0架！』

如果鍾意我，點解要等咁耐先講結婚喎！等到2009年先講結婚，好遲呀！

『唔係唔想結，但他可能有經濟原因，所以唔能夠話結就結呀。不過最後你地都係因為覺得0係埋一齊咁耐咯，不如結婚啦，就咁樣決定結婚的。』

我唔鍾意咁樣呀呀呀~~~~~~！

 『仲有呀，你同你個男朋友年紀相差超過十年呀！佢個人性格穩重，所以同你不多說話，所以感情咪淡D囉。』

我唔制呀！一定唔會鍾意亞伯呀！

所以聽完神婆預言後，我已經一心想著，三年後在2006年，會拆她的招牌。

臨走時，可能神婆知道我不喜歡這樣的姻緣，她說了兩次：

『那個男孩子真係好好0架，你唔好放棄呀！』

『佢真係好好呀，你要畀機會佢呀！我擔心你放棄佢呀！你要珍惜佢呀！』

呀!!!!!!!!!!!!!條件咁差，點哽得落呀？