吳哥窟矇查查之行（3）Day 2 - Dec 16, 2011 - 興恰恰 @ 隨心而行

一直擔心柬甫寨國家落後，衛生差，食住不好。但原來食的方面很好味，比起大陸團的團餐好味很多。

第一晚的一餐是很豐富的地道自助餐。

我們的導遊是一位華僑，年紀大的亞叔，我們叫他做發哥。原先以為可以聽到很多柬甫寨的故事，赤柬歷史、吳哥神話…。誰知，他真係講0左等如無講，只係用金邊拼音變成廣東話就當講0左。結果，我決定自己刨維基，嗯。

發哥唔係唔好，真係好努力照顧團友，幫團友在景點最佳位置影相，幾十歲曝曬走來走去，不過，我地同團友真係想知多D 柬國的事情，在第二天由金邊往吳哥窟六個小時車程，他只說了10分鐘…。不過，已經好過領隊 M 小姐，除了第一天上車講0左一句我係 M 小姐，導遊係發哥，跟住乜都無講過！到第二次我再聽到佢用咪講0野時，就係 last day 0個日問收小費！

點解我咁興恰恰呢？事緣第一日我扮惡，講明兩個女仔叮0左出0黎B 團，有事點聯絡？M 小姐之後不知從何找來一張當地電話卡給我的朋友，說如果有什麼事就打電話給發哥。 {唔係打畀領隊！} 。都好啦，都係想安心0者。

之後我地發覺有兩件事唔妥，第一就係次次停車休息同客仔爭廁所用。第二就係完全不交帶morning call 時間、早餐時間，全部都是發哥做。連去酒店，都係第一時間走0左入去無理團友，更加唔駛諗我地兩個 B 團團友，就連行李唔駛落 A 酒店都唔交帶。最後係發哥帶我地去 B酒店安頓我地，M小姐落車後我地再無見過佢，或留低一句話點樣安排我地。

第二天早上，我們加插自費項目萬人塚。因為我不想看骷髏骨，另有一家有小朋友的團友也不去看，所以發哥訂了時間，幾時眾人重新集合，他則帶領隊和參觀的團友去看萬人塚。

明明約了9:30 am 在 B 酒店等旅遊車接我們，結果，我們痴痴的等，足足等了45 分鐘！

我的朋友覺得不妥，打電話給領隊到底發生什麼事， M 小姐說，『塞車呀，遲0左，0黎緊啦！』

喂！你遲0左，點解唔通知團友！要我地搵你！遲到又唔係45分鐘之後先知，點解唔係預見會遲到就即刻通知團友？

『我無你電話呀！』

咁都講得出！張電話卡係你畀我地0架！連電話都唔抄低？我地有乜事，唔能夠打電話畀你，係咪從此失去聯絡唔關你事？仲有就係第一晚我地同發哥交換了電話，發哥有電話卡號碼0架！領隊唔駛同導遊溝通0羊？

之後我們跟A 團團友談起，原來那一家五口沒去看萬人塚的，也是在酒店等了30分鐘，大家明白行程可能有時會有延誤，但M 小姐回到酒店，遲到一句 Sorry 或解釋都無，當無事發生過，所以他們都{男女男} {男女男} 0地。

之後我們去波爾布特戰爭博物館。
Tuol Sleng Genocide Museum : 柬埔寨首都金邊附近的一所博物館，原為一所高中，名為Tuol Svay Prey，學校共有五棟建築。1975年，該學校被赤柬改造成集中營和集體處決中心。建築物周圍布滿帶高壓電的帶刺鐵絲網，教室被改造成狹窄的牢房和拷問所。為防止犯人逃脫，窗戶被鐵條封鎖並纏繞電線。改造後該地區被重新命名為第21號安全監獄，簡稱S-21，又稱為堆屍陵（Tuol Sleng），意即「有毒的高地」。

據估計在1975年至1979年紅色高棉執政期間，S-21集中營至少關押過14000至15000名囚犯（部分人相信總數超過20000人），其中僅有7人倖免遇難。

1975年4月17日，紅色高棉攻佔柬埔寨首都金邊，建立民主柬埔寨政權，即日宣佈廢除貨幣，把全國所有城鎮居民驅趕到鄉郊，強迫集體務農，並屠殺所有知識分子。當政的三年八個月期間，估計全國五分一以上人口死於饑荒、勞役、疾病或迫害等原因，是20世紀中最血腥暴力的人為災難之一。（資料：維基百科）

有一點遺憾，發哥並沒有詳細解釋裡面的情況。監獄內第一層全是受害者的黑白照片。例如其中有幅照片，一個女人抱著嬰兒，照片放得特別大，我們心想一定有原因，就問發哥有乜原因張相咁大？但發哥只說，無0野呀，張相放大D 之嘛。