隨心而行

因為今天去金環，非常疲累，所以趟在床上不知不覺就睡著了。

凌晨 12:30 做夢突然驚醒，看看 ipad， 加拿大黃刀那邊顯示還有一個半小時才有 Aurora live show，那就再睡一個小時，等 live show 看到有極光才出去後園吧。

不過不知為何， Rowena 的念力突然浮起。

『咁遠0黎到，保暖衫已經著晒，全副 gear，相機仲未拆，腳架仲戙0係度 ，shutter繩仲插住，只係著返件衝風衣，穿返對 boot行出去 3個房，打開後門伸個頭出去望0下，就知有冇北極光，咁都懶？』我覺得如果 Rowena 0係度，一定會鄙視我。    

睇乜鬼加拿大 aurora live show ？而家人在冰島呀！

諗諗0下，出去望一下0者，冇極光咪返房目訓囉！

終於起來，步出走廊，行十步路推開後門伸個頭出去。

嘩！有冇攪錯， 唔等埋我 ！

北極光在飛舞，係肉眼可見綠色的極光！

即刻返房擸起架生 9 秒 9 跑出後園，一0野戙起腳架就撳 shutter，終於拍攝到幾張。

極光不算很強，指數只是 3，相對第一晚，今晚我看到的時候，極光沒有漫天搖曳；身邊只有四位團友在拍，真的 early bird gets the worm。

團友說，極光大約 12:15 am 出現，漫天妙舞。我心想，如果我不是在床上『典』了 5分鐘， 一早出來，可能看到更精彩的 light show。

過了好一會，零星地一些團友也陸續出來拍攝。

極光逐漸轉弱，差不多 2 :45 am，鳴金收兵。 

今晚我們花光了所有運氣，是整次旅程最後一次看到北極光。