小飛又遇上激氣的事。
1999年，小飛與友人去東歐旅行，當時報了永安，他們實牙實齒地說團已確認，一定成團。
結果，在臨行前 7 天，他們打電話來說不成團，叫我們取回訂金和 護照。
當時我們已簽了匈牙利、捷克、神根，卻沒有俄羅斯。我要求即刻取回護照，以便參加其他旅行社，可是他們又要過兩天才能辦好退證。
最後因為拿不到又趕不及俄羅斯簽證，我們只能參加了翠明的東歐四國團，眼白白看著團友繼續去俄羅斯，自己從德國折返香港完團。
因為這件可惡的騙人事件，我一直沒有再參加永安團。另一個原因，之前姐姐參加報名 3 次，都被騙過團隊已成最後又說不成，要求客人參加另外的團。
最近，小飛又想去旅行，永安說他們的約旦、以色列團已確認成團，兩個月才有一團，所以小飛在十幾年後的今天，又相信他們一次。
報團的時候，已經再三要求他們確認，真的成團我才參加。
好了，一切確認了，實牙實齒。結果，今天打電話來，又說不成團，有兩個客人簽證有問題，不能成行云云。不如參加其他的團
整個團隊幾多人？我是成團後才參加的，兩個人簽證有問題攪到整個團不能成行？
拿什麼證？香港特區護照去約旦以色列是不用簽證的！
永安用的技倆真的很討厭！滿口謊言。這間旅行社又再被我 black list !
雖然小飛去過的地方不多，也只是國家中的一個小地方，但要找下一個有興趣的旅行地點卻不容易。
藍色：已去過 紅色：打算去 (要夾最佳時間又要成團)
目標去的國家 - 南美
去巴爾幹半島又不成團。冰島不是現在去。對非洲、中美洲國家又沒興趣。
東南亞，興趣不大。京都去了幾次。北海道留待明年，看看有沒有機會跟小峰去。
澳洲不想再去 Sidney，又沒有團去柏斯。澳幣匯水太高，要等等！
結果揀到中東，最後還是被人呃！
1999年，小飛與友人去東歐旅行，當時報了永安，他們實牙實齒地說團已確認，一定成團。
結果，在臨行前 7 天，他們打電話來說不成團，叫我們取回訂金和 護照。
當時我們已簽了匈牙利、捷克、神根，卻沒有俄羅斯。我要求即刻取回護照，以便參加其他旅行社，可是他們又要過兩天才能辦好退證。
最後因為拿不到又趕不及俄羅斯簽證，我們只能參加了翠明的東歐四國團，眼白白看著團友繼續去俄羅斯，自己從德國折返香港完團。
因為這件可惡的騙人事件，我一直沒有再參加永安團。另一個原因，之前姐姐參加報名 3 次，都被騙過團隊已成最後又說不成，要求客人參加另外的團。
最近，小飛又想去旅行，永安說他們的約旦、以色列團已確認成團，兩個月才有一團，所以小飛在十幾年後的今天，又相信他們一次。
報團的時候，已經再三要求他們確認，真的成團我才參加。
好了，一切確認了，實牙實齒。結果，今天打電話來，又說不成團，有兩個客人簽證有問題，不能成行云云。不如參加其他的團
整個團隊幾多人？我是成團後才參加的，兩個人簽證有問題攪到整個團不能成行？
拿什麼證？香港特區護照去約旦以色列是不用簽證的！
永安用的技倆真的很討厭！滿口謊言。這間旅行社又再被我 black list !
雖然小飛去過的地方不多，也只是國家中的一個小地方，但要找下一個有興趣的旅行地點卻不容易。
藍色：已去過 紅色：打算去 (要夾最佳時間又要成團)
目標去的國家 - 南美
去巴爾幹半島又不成團。冰島不是現在去。對非洲、中美洲國家又沒興趣。
東南亞，興趣不大。京都去了幾次。北海道留待明年，看看有沒有機會跟小峰去。
澳洲不想再去 Sidney，又沒有團去柏斯。澳幣匯水太高，要等等！
文章標籤
全站熱搜
旅行社都係咁架喇~~要賺錢嘛~~ [版主回覆11/25/2011 23:05:26]我平日參加Kuoni 和攝影團比較多，都是確認成團的，已經很久沒有參加永安之流，就是怕又再來一鑊。想不到，再信他們一次，結果又衰一次！
咁唔老實ga...真係唔掂! 以後都唔好再幫親佢!!! [版主回覆11/25/2011 23:06:35]我十幾年無幫襯啦！一幫襯又衰0左啦！
我個朋友做領隊, 佢同我講, 永安最鍾意咁, 其實可能有其他人遲過你報名, 之但係人地團費貴過你, 佢就會抽一D團友同佢講唔成團, 比貴團費嘅人JOIN, 所以佢都叫我唔好報佢 [版主回覆11/25/2011 23:08:51]金怡假期就是用這個技倆，全行出名。我估唔到永安過0左十幾年，唔係越做越大0羊？點知一點係咁衰！死性不改！ [Pancake Parlour回覆11/25/2011 10:21:15]咁衰架!!!
我之前跟康X都試過呀! 開頭我地比某個團吸引住, JOIN左啦, 到出發前幾日, 佢先講唔成團! 我地都請晒假啦, 轉第2間又冇時間睇, 於是轉左第2個康X團! 同D團友傾開, 先知道原來佢地都係咁架! 我覺得佢地係有心GROUP埋D人做一團囉, 好唔老實架! [小小回覆11/30/2011 11:12:00]另一件事係點呀? [版主回覆11/25/2011 23:10:17]報永安咁多次衰咁多次，等我再講另一件事。
我諗呢啲都係旅行社既招數, 同個個客都講成團, 呃佢地參加,,,真係無良呢, 成唔到團, 去唔到心中想去既地方, 真係好掃慶架,,, [版主回覆11/27/2011 01:07:30]今日走去美麗華報名，那個領隊說，間間旅行社都會咁，我地都會咁！但唔能夠太離譜，有D 真係明知唔成團，就唔會呃客人0架！他也說永安而家越做越差，所以他們多了很多客人。
咁而家點呀!!!?? 最後決定去邊呀?? 永安咁樣要BLACK LIST + 話俾親朋好友知....唔好JOIN永安喇....!!! BTW 你去過好多地方呀...........羨慕呀.... [版主回覆11/27/2011 01:11:35]今日去0左退團，而家跟美麗華去另一個地方…柬蒲寨。我都無想過這樣快會去這裡…。我有想過汶萊0架，但我又唔想 hea，哈哈，所以最後都無揀到。永安，我唔會再畀機會呢間旅行社0架啦！
wah~~小飛你去過好多地方呀! [版主回覆11/27/2011 01:13:09]話就話去過好多地方但都係到此一遊。所以越來越找不到可以參加的旅行團，因為現在想深度遊。
HI 小飛 , 很久沒聯絡o勒 ! 之前一直忙於結婚的事, 也剛honeymoon 回來 o乍 ! 聽你咁講..我覺得我好好彩呀 ! 因為我honeymoon 係參加永安去歐洲 , 但係今次無論從參加到成個旅程都勁好,,,,...由其係個領隊..令我對佢念念不忘..好想以後去旅行都由佢帶呢 ^,^ 不過我係好"忟水" 先報名...差不多係飛前 5日先報 ..可能係咁遇唔到你呢個問題 ~ [版主回覆12/04/2011 10:38:43]永安我 join 過 3 次，短程的十分一般，那次去青島，領隊和島遊都付碌，仲要成日窒客；另一次去日本豪斯登堡，都係一般貨色。最後一次係去美國西岸，long hual 我覺得 ok, 領隊唔錯，朋友說他們攪 long hual 同日本幾好，我又 join 過，所以除康泰外，我都有睇0下他們的行程，不過他們通常甩拖！不過，上次去美國都出事，我在 disneyland 唔見銀包身份證，個領隊無叫我即時報警，淨係叫我 cut credit card。他叫我到了東岸 (我 stay behind) 才跟家人報警。後來去到東岸，家人話西岸唔見0野，有乜理由幾日後走去東岸報警，警察都唔會受理。唔報警取證明係無得賠保險！個領隊好清楚呢 D ，但只為怕麻煩而唔同客人做，所以我都好(男女男)永安0架！
Wing On is "Black Shop"
All the victims of Wing On should form a group to gather our voice. Let more people know how poor they are. [版主回覆04/12/2012 21:52:53]其實他們好『出名』呃團，不過康泰仲衰，極之黑仔，成日出意外。就算名牌如金怡假期一樣用另一種更令人氣憤的騙人技倆，平團費畀early bird ，等你參加個團，而團費是海鮮價的，越近出發日期就越貴。等到個團 confirm 0左，收多0左客，就 out D early bird 出翻0黎，話唔成團，畀遲報名畀貴團費0既客人。所以我唔係咁鍾意永安星晨康泰，都係呢D。星晨而家好D。去埃及我用他們都 ok。