我嘅行程喺26號就飛返嚟香港，因為趕回之前嘅工作，所以都冇話畀朋友聽，到 27 號先至畀啲相畀朋友睇。到 28 號，突然有很多朋友問我到底身在何方，先知道原來柬埔寨地震，泰國都有震感，後來身在芭提雅的亞 Sam 話，曼谷大件事到冧樓，我都覺得自己有阿媽保祐。
即時都寫返短訊問候身在泰國嘅工廠朋友，好彩佢哋都係好安全。
我都希望柬埔寨同泰國嘅人，平平安安！
話說 25 號原定成日行工廠，但係間工廠真係好好，所以行咗半日就完成工作。晏晝冇嘢做，就搵啲景點行吓。原本都想睇大皇宮，但係三點關閉，咁就睇吓臥佛寺啦！我住 Trong Lo BTS 站天橋下，搭六個 BTS 站去到 Siam 轉車，然後再 六個 BTS 站 去 Saphan Taksin 站，落車後行去N8碼頭，就可以搭船去 Tha Tien Pier，落船後步行約10分鐘就直達卧佛寺，非常方便。但都要成粒鐘。
搭船只需30泰銖
Tha Tien Pier
因為臨時去睇景點，所以乜都冇準備，原來臥佛寺係好大㗎，而且牆上面好多壁畫，好多佛家嘅故事，冇認真咁睇，真係有啲可惜。
曼谷的臥佛寺最早是建立於1788年，擁有二百二十多年歷史，目前的外觀是在拉瑪三世的時後所重新修建，除了最大的金身臥佛，寺院裡也有許多的佛像及佛塔，也有「萬佛寺」的稱號。寺廟佔地8萬平方米，分為佛堂、僧舍和佛塔，正殿為雙層迴廊所圍繞，迴廊上有394尊佛像。
臥佛殿（Viharn Phranorn）
佛像全身長46公尺，腳長 5 公尺、高15公尺， 約5層樓的高度。 臥佛呈現相傳是釋迦牟尼佛涅槃的姿態。 (??)
其實咁樣瞓喺度，會唔會瞓捩頸呢？ 
佛像10隻腳趾係平排嘅
要分辨臥佛是「休息」或是「涅槃」可以從腳趾判斷，若雙腳腳趾對齊，就表示佛在休息，也就是「睡佛」；若雙腳腳趾不對齊，就表示佛涅槃。
臥佛雙腳腳趾是對齊的
在斯里蘭卡丹布勒石窟寺第一窟看到的臥佛, 雙腳腳趾呈一前一後是佛涅槃
卡丹布勒石窟寺 第二石窟 , 雙腳腳趾對齊，這是睡佛
腳趾係用珍珠母片砌成
腳底板使用崁入式珍珠母，上面刻著108個精細的佛像圖案，描繪了佛像的吉兆，這種斯里蘭卡式的信仰源於婆羅門在佛陀誕生的第五天，在其腳板的圖案，為偉人的象徵。
睇完佛像，到外面睇佛塔
藏經閣 Phra Mondob
藏經閣是一座四面經堂，用於收集儲存大藏經，拉瑪三世下令將其建為帶有冠狀頂部的結構，裝飾有琉璃瓦和彩色陶瓷。
四王寶塔 Phra Maha Chedi Song Phra Srisuriyothai
佛塔共99座，高7米的佛塔就有71座，有塔林之稱。最大的四座佛塔是高41米的大型摩訶佛塔。綠、白、黃、藍色，分屬於拉瑪一世皇、二世、三世及四世皇之專屬佛塔，每座佛塔高 42 公尺。
金佛殿（Phra Ubosot）
囫圇吞棗冇行晒臥佛寺，因為也想去睇黎明寺，所以諗住行返出去碼頭搭船去黎明寺。點知經過啲舖頭，又想買紀念品，行吓行吓，都已經5:30，但黎明寺6:00pm關閉，結果緣慳一面，我諗黎明寺都應該好多嘢睇。
經過間舖頭見到有啲椰殼嘅碗，雖然呢啲好靚，但都唔敢買，因為唔知用乜嘢顏料嚟油落去。
呢隻碗係珍珠母片砌出嚟，都含漆，原本諗住買兩隻，但小峰話，呢個係椰殼，個底唔平㗎喎！
諗諗吓，係喎係喎！
咁佢話，如果鍾意，就買一隻嚟裝吓啲瓜子花生啦！
如果去黎明寺，只需5泰銖，搭一個站嘅船，就可以去到。而家唔夠時間，就唯有對岸遠觀啦！
D 同事問我點解唔見有日出相 post 出， 係呀，今次影日落嘛！ 
呢個建築物，Iconsiam，超多名牌，不過都唔係我杯茶
搭返 BTS 去到 Siam 中途站 Siam Paragon食晚飯，好似有套電影做宣傳，好多妹妹仔圍晒嚟睇，亦都見到好多攝影隊。
呢一餐食咗 420泰銖，差不多＄100港幣，都好貴。
平日搭地鐵，優先座都係得四類型，但係泰國係五類型，多咗僧侣可以坐優先座
喺酒店附近，有一間賣芒果嘅舖頭，26號我就要飛返香港，所以就走去買芒果空運返嚟。其實都幾貴，要120泰銖，都差唔多$30 港幣一個。
咁喺Siam Paragon，又見到超級市場，梗係又買嘢食啦！
千層糕
Last 嗰日喺機場仲駛剩 2700泰銖，所以喺機場又買嘢
呢啲水果香梘係送畀同事嘅
又有啲魷魚味小龍蝦味同冬陰功味嘅米通，買返嚟做手信
呢個芒果班蘭糯米飯，其實係忍唔住手買嘅，但係我又唔食得糯米，所以孝敬阿爸阿媽
話畀人聽我去公幹都冇人信，覺得我去咗旅行，大鄉里第一次去曼谷，連我自己都覺得係。
而家希望世界唔好有咁多戰爭，天災人禍。
留言列表
