回到家裡，為了終於有分手的念頭而傷感，但又覺得是一種解脫。這是不能告訴家人的秘密戀愛，一年只能見面七天，又不安全感的戀情。
過了一個星期，冷靜下來，便寫了一封電郵給小峰。
『回家的路上一直淚水忍不住流，我在想我追求的是什麼，你真的需要我嗎？還是, 只是兩個寂寞的人走在一起是爲了作伴，談不上戀愛呢？如果我這樣走了一去不回，是否對雙方更加好一點。我一直在問著相同的問題：『你喜歡我什麼？』因爲喜歡一個人一定會有原因的，不會什麼都不知，完全說不出來，你也不是那種盲目和衝動的人，怎麼會說不出呢？是漫無目的的愛情嗎？那不是危險嗎？你有沒有想過到底是喜歡我還是愛我？喜歡和愛是完全兩回事，你是真的在愛嗎？
我想要戒指，只不過是情侶戒指，作一個信物，維繫著遙遠的感情，可是我落空了。我沒有想過要你送我貴重的東西，我又不是『色戒』裏的芝佳，不需易先生送6卡鑽石去證明愛情！
我不知道自己有什麼可愛的地方讓你去愛，缺點卻一大堆，原本今次旅程想給你浪漫驚喜，但結果這樣哭著收場，是意料之外。你認真的給我說，我是不是令你覺得討厭了？上次我問你的時候，我很想你說不是，可是你默言無語，沉默就是承認，那時我傷心得忍不住哭了。』
小峰也打破緘默，回了郵件。
『小飛，我想自己真不對，不諒解你，不懂討好女孩子歡心，可是你也鑽進牛角尖裏去。戒指，可能我比較傳統，那是約束的，是莊嚴的，好好地選一隻介指給你才算誠意，不是在超級市場心血來潮地說買就買。 給你戒指，那會是一個承諾！那天的猶豫就是覺得不要太倉促，我不是那種特別浪漫，特別前衛的人，害得你傷心，真的不好。其實你說要戒指，你就是一種不安全感，是我不夠強大，沒有給你足夠的安全感。對嗎？
你在機場哭得那樣傷心，我有予感你會離開，但我對自己是很有信心的，因為我知道你是同樣愛我的！雖然我們有爭吵，也是好的，因爲那樣最起碼表示我們想把感受告訴對方，若果只是相敬如賓，這種狀態好像是朋友關係，你說是不是？ 』
原來小峰不給我買戒指，是重視他的承諾。我應不應該怪責他不懂女人心？
最後，還是跟他在一起。
2008年十月，又是放長假期的日子。一直渴望看胡楊林，小峰說可以帶我到塔里木河看胡楊林，於是我們走上了黃金腹地。而且，今次他決定給我買情侶戒指！
睇到差d喊 [版主回覆06/01/2011 19:40:00]我真係估唔到你地會有呢個反應，最初我寫出0黎時，都覺得當時自己好唔了解男朋友，係小女人，有D 刁蠻添！點解一定要人地買戒指畀我，唔買就分手咁。 其實都仲有不安全感同埋將來經濟生活等等問題0既，戒指只係導火線。
初初我同男朋友拍拖, 我都係話想要戒指 但係我男朋友都講o左d類似小 峰o既說明, 戒指對男生的意思可能真的跟女生不同 , 不過還好....最後你們能諒解對方..走到今天 ! 你的故事...真係很感動 ! [版主回覆06/01/2011 19:44:00]當日我問一位要好的男同事意見，他說小峰想法是無可厚非，不過可能新疆唔興情侶戒指，所以唔好介懷。而北疆團友 Joanne 話小峰品性純良，唔識(乙水)女仔，所以唔好(男女男)佢。 原來你都遇過咁0既情況？咁當時你有無(男女男)佢？
好感人的故事啊! [版主回覆06/01/2011 19:36:00]真攪鬼呀！我以為你地會話我扭扭擰擰，自己鑽牛角尖添！ 你地有無遇過相同問題？
男性和女性既觀點角度真的很不同喔!! [版主回覆06/01/2011 19:34:00]我有時諗返，都覺得自己好似逼人地要我咁。如果男朋友想買，自然會買畀我，問人要變0左 cheap 添。
唓~~點會ar,我地呢d現代女性唔會婆婆媽媽,想要就要、想講就講.....我地唔講,佢地d男人估估下,估錯咗咪浪費時間lor!! [版主回覆06/01/2011 20:03:00]你好正好爽直呀！唔怪得你男朋友鍾意你，男仔就係唔鍾意女孩子婆婆媽媽。不過又要人地小鳥依人。真係難做人呀！
無錯!! 真係好難做到,我宜家只係做到8成爽直,2成小鳥依人,hahaha.......
小飛, 其實唔使諗太多, 因為男人同女人想法真係有D唔同, 我曾經都叫得得買對介指, 不過佢都係冇買!!而佢唯一買嘅介指就係我地結婚個隻, 老實講, 同佢六年, 一D表示都冇, 連求婚都冇呀!!咁呢個男人又值唔值得愛呢?? 兩人相愛, 係緣份, 要珍惜呀!! [版主回覆06/01/2011 23:26:00]得得梗係錫你啦！睇品果揀相時，佢叫你唔好理人地閒言閒語，做你鍾意做的事，就知道佢錫你啦！小峰都無表示0架！都係無同我求婚0架 。上星期問佢，真係好似無同我求婚喎，佢話有，0係成都送訂婚戒指時。但係點解我無印象0既？ 等緊你個結婚故事呀！
我覺得你做得岩，有唔開心，要講出黎，要溝通，老實講，有時真係好難要對方完全get到自己諗甚麼的。不過，話又說回頭，不能樣樣事都畫公仔畫出腸，佢都要主動去瞭解、溝通、接納的 [版主回覆06/01/2011 23:33:00]而家同小峰溝通難0左呀！尋日同佢講婚禮 D 0野，佢乜都話好，我話係咪0架，要同我講好定係唔好喎。因為我個人五時花六時變，見到得意0野無想清楚就做，要小峰提醒同分析。佢竟然話，『我不敢說不好，你會反臉的。』作死呀！竟然用『反臉』這個形容詞。 我話而家開始要聽佢講0野，畀意見我。真係學做人呀。
男人同女人思想真係好唔同，我以前都經常會自己轉牛角尖， 成日覺得如果佢唔咁樣做，就等於唔夠愛自己。 但到之後攞返出黎講o既時候，發現對方其實係有諗法， 而個諗法亦係因為愛惜自己先會咁諗。 所以久而久之就會相信佢做每一個決定都係因為愛惜自己， 所以覺得唔o岩自己心意時就要好好問清楚，溝通好， 唔好自己估估下誤會左對方。 你睇~小峰幾愛你！ wakaka~~ [版主回覆06/02/2011 20:04:00]我唔係好 feel到佢鍾意我0架，不過我一有事0係度喊，佢就會好緊張，我想有人錫，我覺得佢錫我，咁不如結婚啦。有 D 化學，哈哈，不過做人都係化學0架啦。 開始學0下唔好鑽咁多牛角尖就真0既。
你講得好岩呀 ! 人生本來就係化學 , 我就係因為咁諗 , 先一年內籌備晒結婚買樓既野 , 好多人都問點解要咁急呢 ? 我覺得人生無常 , 能力做到的話 , 想做既就做左先 , 所以我好鍾意你”隨心而行”呢句 ! [版主回覆06/03/2011 22:49:00]因為我未認識小峰之前入過醫院，就係背椎有事，當時覺得做人真係好化學，之前好多年，係鄧麗君去世，想0下她多風光，個個鍾意佢，有二億身家，咁又點？所以被點醒後，就接受小峰。估唔到小小同我諗0既一樣！活在當下！
鑽牛角尖? ... 唔會, 類似嘅情況大多數女人都會試過, 通常都係喺拍拖初期出現, 因為女人嘅感情較慢熱, 而男人嘅感情較快, 當女人投入左段感情後, 男人已經去到覺得穩定嘅階段, 佢地嘅表現就會好似同你做左好耐朋友咁, 冇初初追你時咁熱情, 但又唔代表佢愛你嘅情度下降. 如果你另一半喺呢個時候, 以耐性去解釋的話, 咁就嫁得過啦 [版主回覆06/03/2011 22:43:00]嘩！我係第一次聽到呢個解釋啊！ 原來係咁！好似真係咁呀！
哈哈, 因為類似o既情況, 我同我honey都有試過, 起初一齊o既時候, 我成日都諗 "究竟你鍾意我啲咩呢? 我有啲咩好呢? 點解你冇初初咁熱情o既? 你真係需要我嗎? 你有冇諗過同我一生一世? ... " 一大堆呀, 我honey就解釋俾我聽, 男人o既諗法, 有好多野唔會隨便做同隨便講, 因為佢地覺得係一個承諾黎, 當然佢話追得你, 一齊得, 就諗住 "細水長流" ... 所以我覺得小峰都係一個你值得付託o既男人.. [版主回覆06/05/2011 08:04:00]真係0架，你講0個D 通通都有諗過0架！而家我問小峰，佢就好醒目話：唔係嘛，到而家結婚仲問呢個問題，你講0既係乜0野話呀！…真係畀佢激死。
你咁真誠坦白d 好 加油 別想太多 乜野叫迫 男人本質咁賴皮迫唔黎呀 [版主回覆06/05/2011 08:10:00]我又無諗過男仔賴皮，整係諗我係咪刁蠻惡哽0者。嘻嘻
而家都結婚囉, 小峰講得啱喎, 唔問啦, 我而家就掉番轉咁我honey講 :"你睇下我幾重要吖, 冇左我, 你會好悶架..." 類似呢啲說話, 跟住佢就會笑住話"係, 係" ... 哈哈, 大家都得啖笑, 幾開心架..