神經俠侶 第六部 - 終章：執子之手
對於利時神婆的預言，我跟小峰都只是作為參考，留意自己身邊的事，儘量做好準備。
2008年的汶川地震，使旅遊業蕭條。別以為八月北京奧運會帶來好運，繁華的只是屬於北京一帶的地方，大家都去北京哪，還會多花錢去別的地方玩嗎？10月份，新疆旅遊業落幕。
一年過去，只待2009年重新開始。
09年五月份，新疆的旅遊季節開始，小峰在努力寫行程，拜訪客戶。
七月五日，星期日下午，我打電話給小峰，他剛在外面加班後回家。原本想到家樂福買點日常用品，但是太累了，就回到家裡去。我跟他說可以想想籌備一下網上教學，做心理諮詢師的事宜，他說也聯繫著學校。為了我們的將來，這是籌備他轉行的第一步。
下午開開心心的通電話，說著他的前途和展望，之後就沒有聯繫。晚上六時半新聞報導，看到了烏魯木齊發生了暴亂事件，維族人與漢人發生流血衝突，我不以為意。
七月六日，我返到公司，打開電腦，Yahoo的頭條新聞：新疆烏魯木齊暴亂。我知道呀！
再看內容，新疆當時的書記王樂泉呼籲：烏魯木齊全市停市三天，實施戒嚴，居民不要上班！
我想了想：戒嚴？好像很大件事呀！心知不妙，立刻打電話給小峰。小峰當時睡眼惺忪被我吵醒，還不知這件事。我著他立刻打電話返公司查詢，並且千萬不要上班，一定要留在家中。他說知道了，會看看中央電視台，打電話返公司。
當時我心裡的想法是：我們在香港，取得的資訊是國際新聞，在未出現新聞封鎖時，有可能烏魯木齊的人還沒有比我們在香港得到更多更快的訊息。
之後，12時半左右午飯時間，我再打電話給小峰，可是，電訊中斷，整天都無法再跟他聯繫。
下午差不多五時多，北疆團友佩雯打電話給我，說看到電視新聞，烏魯木齊的暴亂事件很嚴重，看到很多人血流披面的畫面，不知小峰現在怎樣？
我到這個時候真的感到事態嚴重，之後收到其他北疆團友 Joanne 和 Charlotte 的電話，問小峰的情況。
我說應該OK，有點幸運，在早上已跟小峰聯絡過，知道他肯定平安。
可是，我們因為這次事件，渡過了漫長的通訊中斷，足足九個月！
利時神婆的預言應驗，小峰全年食穀種！
(呢個神經俠侶於是突然間好快寫完，這一回開始時的時間是2009年初，下一回已經是2010年三月中啦！)
通訊中斷？你意思是真的完全沒見沒有聯絡達7個月？！？！咁咁咁咁咁......點維繫哦小飛~ [版主回覆06/21/2011 00:29:00]最初我以為係七個月，後來睇翻，7月5日聯絡後，再收到小峰電郵已經是2010年3月中，九個月了。中間都聯繫到一次。
吓....7 個月????.......真的一D都聯絡唔到???....唔係嗎.....擔心死人囉....如可以分分鐘立刻買機票飛過去睇下點...... 同埋在這情況好易引發.....想快D一齊的感覺......分分鐘就此結婚呢....... [版主回覆06/21/2011 00:31:00]聯繫到，好恐怖的 (可能我自己嚇自己)，我講左當時情況畀朋友知，她聽到毛管戙晒…
9 個月中斷通訊!?!? 掛死人咩......點維繫呀?!? [版主回覆06/21/2011 00:27:00]好彩舊年工作忙，唯有寄情工作，仲有寫唔會回覆的信 對於小峰有信心0既，所以我的好朋友都話我同小峰係神交 似唔似神鵰俠侶？
would it be possible to stop communicating with him for 9 months??. [版主回覆06/21/2011 00:24:00]連絡到一次，之後…
小飛妳實在太勁~~~九個月！九日我都唔得呀！！ [版主回覆06/21/2011 00:24:00]愛情，對我同小峰真係平淡如水 但現在回想起來，過程又真係峰迴路轉
你和他的故事真係愈來愈峰迴路轉 ~ 佩服你地彼此都有能耐~9 個月中斷通訊真的很難想像啊 ! [版主回覆06/21/2011 00:22:00]寫寫下愛情故事變遊記，到最後講埋政治新聞。諗諗0下，好多時睇TVB 劇集覺得劇情亂0黎，結局都會離題萬丈，其實現實生活都係咁 都有連繫到，過左星期三先得閒寫
9個月, 比我真係唔得, 你地兩個嘅愛情故事真係夠 峰迴路轉!! 話時話, 利時神婆都幾準喎, 我都想去睇睇佢!!係邊度呀??貴唔貴呀?? [版主回覆06/23/2011 14:40:00]http://www.witchyland.com.hk/index.html Gladys 的資料，不過加0左價喎，我差唔多成年無去過佢度，上次$200有找，而家要$229添。
嘩 , 竟然可以封鎖消息 9 個月 , 佢地身處當地都可以唔知發生暴亂 , 太可怕喇 ! 如果我係你 , 我果時真係會好擔心佢既安危呀 ! 咁 9 個月咪冇收入囉 , 果時有冇搵其他外快呀 ? [版主回覆06/23/2011 23:18:00]好彩事發當日有同小峰聯繫過唔係真係好擔心，我唔係日日可以跟小峰聯繫0架。 搵其他外快，真係好淒涼…