2010年，3月12日，忽然收到小峰從烏魯木齊發出的電郵：『收到我的郵件，驚喜嗎？我們今天才開通郵件的。呵呵，高興吧，不過，太高興了，不知道寫什麽了。今天下好大的雪，我回到家就不想出去，都說20號會全面開通網路，不知道是不是真的，要是開通的話我在想要不要拉一根網線，這樣我們晚上都可以聊天了。』
當然興奮囉！終於等到了！不過全面開通，恢復國際網絡通訊，是在5月14日。
『七五事件』結束後，小峰才告訴那段烽火飛花的日子：『那個利時神婆真的太準了！我也沒想過竟然窮困到這個地步。因為沒有收入，又剛買了房子，結果我把從前積蓄的金粒都賣掉了作房子首付，日間到傢具店，拿些傢具回家裝嵌，晚間就到肯德基做兼職…』
我聽到這裡，心頭一酸，一個醫生材料的人，經濟拮据，走去當木工，做『抖木佬』！晚上在KFC做小職，我幻想自己常常去的 KFC 買炸雞時，見到自己的男朋友在工作，我會怎麼樣？
(粵語長片、TVB 劇集的場面又來了！)
難怪當時我在內蒙旅行時，小峰無法接聽電話，還以為他去了做推拿工作。
不過，我也很興慶幸，小峰並不如我們舊思想中的國內同胞。大丈夫能屈能伸，沒有錢了，無論什麼工作也可以做，總之不是幹黑的就可以。我相信小峰就是我可以付託終生的人。
在新年時，朋友亞慧說原來她去年到了九寨溝拍攝 pre-wedding photo，對『品果影像』讚口不絕，當時，結婚對我是遙遠的，小峰沒錢，沒有穩定的收入，前途迷惘，沒想過我們的將來，加上是秘密戀愛，只有我那位身在外國的弟弟知道這件事，怎麼可以結婚呢？
當時剛好媽媽到了弟弟的家住了半年，證件到期必須回港，我便買了機票，在六月中去美國兩個星期，帶媽媽回來。而小峰也忙著旅遊的工作，帶團到上海觀『世博』 。這樣，我們便沒有機會見面了！於是把心一橫，不如十月份去九寨溝一趟，跟品果拍攝婚照。 『在香港，不是流行那種情侶照片嗎？一來有攝影師拍照，二來可以去旅行，兩全其美呀！』
結果，我中招了！原來在國內，只有真正結婚的人，才會拍攝婚照的！
P.S. : 記在2011年7月5日，兩年了，一個特殊的日子。
『神經俠侶』也到終結，我的故事完結，三個月後，另一個新生活開始。
下一篇是終章。
『神鵰俠侶』。
小飛, 咁你同小峰咪冇乜點見,又冇乜拍拖嘅情況下結婚???? [版主回覆07/05/2011 00:17:00]都好似見面無77-49日，真係神交呀！ 其實應該多謝你，我一直覺得自己拍拖乜野都無，not sweet，人又見唔到，所以早期同你講，我拍拖無乜特別，到而家寫出0黎，又真係幾特別啊！浪漫奇情老套但又有少少曲折。你唔叫我寫，我都唔知原來我地一D 都唔平淡似水。
我覺得真係好似睇小說咁 ^.^...又緊張..又感動 ^.^ [版主回覆07/05/2011 22:58:00]最終回仲騎呢呀！諗諗0下，真係好似小說
我相信你地呢D真真正正叫愛情囉!! 我要為你地鼓掌 [版主回覆07/05/2011 22:45:00]我都唔知，其實真係好似無拍拖咁，haha，我之前都有講，小峰到底鍾意我乜野，佢又答唔出，我估佢鍾意我唔黐身，因為黐唔到 多謝你呀！你同 BF 也不同樣是真正愛情，所以才修成正果嗎？同樣地祝福你們呀！
睇到呢度~~~真係好開心呀！~~~~ 你同小峰的故事真係好特別 好似我上之說~~~一d都唔「平淡似水」 縱然不能常見面，只是神交式約愛！！ 將來回憶.....都會不枉自己的愛情故事原來係咁特別！ [版主回覆07/05/2011 22:56:00]所以記底個故事，說實在，一直我都覺得同小峰好平淡，分開咁遠，叫天不應叫地不聞，你最清楚那個苦況呀！或許，我們可能是還未有想好將來就衝動結婚，不過，『及時行樂』，我常想，如果唔結，有乜冬瓜豆腐瓜0左就好遺憾0架啦！所以咪結囉！
慣左黎追故事，你話到最終回，有dd唔慣添！哈哈~ [版主回覆07/05/2011 23:31:00]寫到最後都唔捨得，不過故事都係要完，睇到最終回，唔知你地會唔會被我嚇親，因為……
原來在國內，只有真正結婚的人，才會拍攝婚照的！ ------ 下 , 要有結婚証書先影得架 ? 咁 3V 果 d 影婚紗相都要結婚証書 ? 間間都係架 ? 到最後一篇 , 好唔捨得呀 , 你地一齊既經歷 , 真係唔平淡 , 仲好難維繫呀 ! [版主回覆07/07/2011 21:35:00]唔係，係我自己不懂國內文化，原來影得相0既，就真係會去結婚，唔係我以為玩玩下. 當作情侶照。之前我一直話唔結婚，小峰就話想2010年結婚。所以佢聽到我話影，即刻0累飯應，我咪中招囉。 真係唔知點樣維繫…唉
嘩,到左完結時候呀?我一路都當係本小說咁追睇架,你寫得好精彩,其實你呢段過程比起好多2個都住係香港的情侶,已經特別好多,你講得好啱,要'及時行樂',開始新生活又有另一種趣味! [版主回覆07/08/2011 21:10:00]嘩！牛角你好耐無寫 message 畀我啦！原來仲有睇我個 blog！我而家諗緊點寫終章，因為好似有多一件事都想寫0下。其實我隨手寫，諗翻起乜0野就寫乜。
可唔可以 add 我做 BLOG 友? 睇你個 BLOG 好似睇緊小說咁，好精彩，你要加油呀 !!! [版主回覆07/20/2011 20:49:00]Add 0左啦！多謝支持！
pls add me~~ [版主回覆10/10/2011 23:07:00]Astrid ， add 0左你啦！
追完全套"神經俠侶",真的証明"姻緣天註定,是你的就是你的,要躲也躲不了" 可以ADD我嗎? [版主回覆09/08/2012 20:58:25]已經 add 啦！
can you add me?? i read the whole story... just need to know the ending!!! =P
呵呵, 太不平凡了, 我諗, 你倆這不平凡的人生經歷和故事仍然繼續下去的...仍未到ending 我從未試過追看人家的故事如此拚命, 由第一篇開始, 萬想不到會被妳倆如磁石般吸住了! 也想不到這麼幾天就快看到終篇 今晚, 很累、眼睏, 仍看了2回篇, 終篇留待明天吧, 眼皮快掉下來了, 精彩! [版主回覆06/09/2013 16:29:13]Yahoo 真的有點問題，如果我不是翻看到這裡，也不知你留言呢！謝謝你，你也要努力經營你的異地戀呀！