因為冰島的旅行社幫我買了那張時間超趕的內陸機票，讓我對這次出行非常後悔，真係次次都係咁！
小峰說：『計劃趕不上變化(用國語讀出) ，不要想太多了。』
另一件令小飛沮喪的事，是今次重遊冰島，原本是想看 Holuhraun 火山爆發的，上次Eyjafjallajökull Volcano 埃亞菲亞德拉火山爆發導致整個歐洲交通癱瘓，今次可以坐直升機觀看 Holuhraun 火山 ，是我其中一個去冰島的原因。可是到了二月底，火山停止爆發了。唯有安慰自己，當作一般旅行都好0丫， 今次看不到，畀自己一個藉口去夏威夷啦！
https://www.youtube.com/watch?v=486We3TwnlE
https://www.youtube.com/watch?v=yyoho6dYMA8
如果一邊睇北極光，一邊有火山爆發，係咪好盞鬼呢？ 
4月3日晚上凌晨航班，收拾心情，出發往冰島。今次先到赫爾辛基，轉機到奧斯陸，再轉機往冰島，然後乘內陸機到阿克雷里，真係飛到傻0左！
又見到史力奇啦！
早上抵達奧斯陸機場，等待下午轉機
見到維京人公仔，就令我想起我的北歐同房團友CL，當年她在旅途中照顧仍帶病在身的小飛。
往冰島的航班閘口在35A，不知是否往來航班並不頻繁，35A和35B的閘口是另外加建的 (通過架空走廊) ，當我到達時，空無一人，也沒空調。
心想如果是短途機，飛機上沒有午餐，一路走都沒得吃了，只好在機場買個麵飽。這家味道不錯，不過算起兌換率高，挪威幣 Nor Krone $84 約 HK$84.12
終於上飛機往雷克雅未克，咦！有wifi？不過我掃唔到。
(Operated by Icelandair)
有沒發覺特別？我影0既當然唔係亞婆空姐，而係更遠，我見到個飛機師同駕駛艙，乘客上了飛機他們仍沒關門。
往冰島的一程，在抵達機場時見到冰島航空唯一一架以北極光作機身的飛機 Hekla Aurora ，真的很開心，不過今日多雲，無可能見到極光的。
呢架就係Hekla Aurora，想當日，我和冰島團友 Freda & Raymond 就是在 Hekla 火山酒店的草地上見到北極光0架！
我都唔明，點解六合彩唔見我中！
那個趕飛機的事一直縈繞著我，不很開心，75分鐘內計埋45分鐘車程去內陸機場，點搞呀！當冰島航空準時降落，我一個箭步衝落飛機，行李又好好彩不久就出0黎，而且我0個件仲好快出度添！咁我喳喳淋拿行李衝出去，原來去冰島唔係直航，0係芬蘭已經過了安檢，入了歐洲境就唔駛再檢，咁我就直出機場啦！
一出去，就見去酒店的機場旅遊巴士 Iceland Excursions ，我給司機看我的voucher ， 他說可以讓我上車去內陸機場，但車上的司機又話唔得，要我上隔離0個架巴士。死啦！隔離係第二輪，只得很少人上車，司機要等滿座才開車，結果4:00出機場，架車4:30 pm才開出！
呢日又落雨，架車開得特別慢，我要5:15 pm登機5:45pm 起飛，架巴士5:15pm先至到總站再轉小巴去機場。 
飛機準時到 ，但架巴士唔聽話，呢次Delay，上唔到飛機啦！ 
真係撞到正，出事了，六合彩又唔見我中！
到了5:35 pm終於到了內陸機場，我甩頭甩髻衝入機場，話畀櫃檯人員聽，要上5:45pm起飛的飛機，睇0下畀唔畀我上飛機啦！ 
個地勤婆婆滋游淡定咁話 ：唔駛擔心，你班機都delay 0左，架飛機未到，等0下啦！應該6點先至boarding！
嘩！真係好彩呀！跟住班機繼續delay，到7:15pm 先至boarding添！諗起上0黎，算係好彩定係唔好彩？總之一額汗啦！過0左呢關，行程就應該好輕鬆啦！點知後面又發生事，欲知後事如何，請看下下下回分解。
Keflavik airport --> Reykjavik airport --> Akureyki airport
終於來到內陸機場，機場非常小，就得咁多。
超小的機場，一眼見晒！
個登機閘口隔離就係到(土步)行李輸送帶
呢張就係登機證，碳紙一張，一個唔覺意，以為係超市收據掉0左就慘啦！ 
我都叫做坐過螺旋槳飛機，Qantus ，但今次坐Air Iceland 都有D驚，到底天氣係咪咁差？ 降落時真係心都震埋出0黎！
終於抵達阿克雷里，雷克雅未克那邊下雨，這裡竟見到藍天！
返到guesthouse，Ráðhús Apartment ， 房間很乾淨。
看到天色也不錯，雖然仍未到夏天，日落時間已經由極夜邁向永晝，約八時多日落但天色約九時許才開始變黑。
這是阿克雷里最主要的街道
阿克雷里是一個重要的漁業中心和港口，是冰島第四大城市。
Akureyri大教堂為冰島北方最大的教堂 ，以雙塔造型為建築結構 ， 跟首都Reykjavik的地標Hallgrimskirkja火箭大教堂同出自建築設計師Guðjón Samúelsson的手筆。
留言列表
