八天行程完結,團友乘機從太原返香港,我則原定跟小峰轉到西安多留兩天,可是,出發前一個月,小峰接到公司指令,會有大型會議,結果他要在26號飛返新疆,只留小飛孤另另一個到27號獨自到機場返香港。抓狂

25號早上,我和小峰在太原乘高鐵往西安。成日以為兩個唔同0既省份就要坐飛機,實則三個小時車就到達西安了,非常方便。

Wd8-1

唔講唔知,因為我0既回鄉證係舊款,發出係廣東省公安廳,所以不能由他人代購買省外出發的高鐵票,當日旅行社幫我訂票時,要用護照,所以這個旅程,我要帶晒回鄉證和護照在身,真係驚驚0地,唔見0左證件唔知點算。

小峰話,無端端點會唔見證件。佢唔明,我係黑仔小飛嘛!囧

Wd8-2

今次去西安,主要係買新居傢俬,小峰跟小飛終於有新疆以外的家,我唔駛夏天40度,冬天零下20度啦!

返到新居,家徒四壁,第一件事係貼餐廳位置的背景牆,貼完後,成間屋有晒生氣。太开心太开心

Wd8-3

Wd8-4

當然仲有舖床單,這個在香港買返屋企,從未買過咁貴0既用品,香港屋企似狗竇,唔捨得駛錢,慳得一蚊得一蚊,不過呢套床舖,真係好舒服,家姐話,咁辛苦先至有間屋同小峰一齊,唔好虐待自己,好啦!貴少少就貴少少,買0左佢囉!

Wd8-15

大廳,地方寬敞,因為冇傢俬黑线

Wd8-16  

小峰好喜歡呢套紗窗簾,佢話鳥語花香喎*:D 咧嘴笑,窗簾是

我話,藍鳥 (blue bird) 係幸福鳥,所以又係貴少少就買0左囉!

Wd8-5

書房都係雀仔

q2  

客房都係藍色0既窗簾

Wd8-13

Wd8-14

下午去買傢俬,行0左兩個鐘頭,終於找到合心意又坐得我腰骨唔痛0既梳化,買埋餐檯、衣櫃、電視櫃同茶几,個售貨員點都唔肯減價,我0地咪唔買走人囉!

吊0左佢0地一日,第二日個售貨員打電話0黎畀小峰,我0地睇中0既梳化0係我0地走0左個零鐘頭,就有第二個客買0左,冇存貨!

佢話要我0地等一下,同埋送一D裝飾品補數,總之唔減價。香港人好實際0架嘛,要裝飾品0黎做乜?不過好過冇啦!

個綠色玻璃瓶以香港價錢應該超過$100蚊0卦?兩個牛角唔知要0黎做乜,應該都值$100蚊0卦?個窯罐可以插花,紅色玻璃糖果罐就梗係有用0既,0岩我。*:P 伸舌頭

Wd8-12

有咁耐風流,就有番咁耐黑仔。

26號,小峰飛返新疆,得番我一個,新居未正式入住,無固網,無網絡,我0地借鄰居Wifi,但剩係得個廳其中一面牆的一個位置收到Wifi訊號;另外冇電話網絡,打電話就要入廚房才收到訊號。

當晚,一個人食杯麵,百無聊賴,走去牆邊上網,竟然見到雅虎首頁,話聽日會打八號風球!

0下!唔係嘛,23號在壺口瀑布的時候,隻『天鴿』已經搞到香港掛過10號風球,唔夠幾日,又打八號?

ya

結果,成晚(目訓)唔到,入房就冇wifi,又要出廳先知情況,但我0地0既天文台,都係話唔到幾時掛八號。搜尋東航網站,乜資料都睇唔到,唔知航班有冇取消。囧

因為小峰一早幫我訂了類似 Urber 的車在27號早上6:30分,從家裡出發到機場,乘10:05分的航班。所以我只好如時出發。我對師傅說,如果打風,航班一定會取消,我想到的方法就是搭高鐵,師傅話,佢會等一下我,如果航班取消就立刻車我去高鐵站,可以趕上一班9:39分開出的列車。

這時聯繫了小峰,他說不可能搭高鐵到深圳,因為車程要9個多小時!

yaya

去到機場,一衝入去看航班情況,往香港的航班全部取消了!

yayaya

沒辦法,要趕乘高鐵回香港,(唔係,係深圳先0岩!香港而家都未有高鐵!!!)所以我也沒有去航空公司櫃檯詢問情況就立刻掉頭走,上車趕往高鐵站。

小峰在遙遠的一方,嘗試網上幫我訂票,可是,原本剩下的一張$1440人民幣頭等車票,也被搶購了!

你說怎麼辦?你說怎麼辦?

yayayaya

到了高鐵站,嘗試問售票處有沒有往深圳北的票,晦氣的職員查一下電腦,就說沒有。不過有一班車,G820 可以到深圳北,9:39分出發,到三門峽南,再挨近一點深圳的如長沙、武漢、廣州的車票都沒有了。我可以買一票G820的列車,之後跟車長說延長車程到深圳北。

0下?即係點?唔『地隨』喎!*^#(^ 不是我幹的

那班G820,正是我所說往深圳但沒票的班車啊!即是怎樣呀?全程車資是RMB 880元,但現在售票員只收我RMB119.50元。*^#(^ 不是我幹的*^#(^ 不是我幹的

Wd8-7

買了票,打電話給小峰,問他三門峽南是什麼地方?會車我去邊處0架?

小峰話,三門峽係河南!0下!咁咪好近西安?心下當時冷了一截。

原來,從西安到三門峽南,只是兩個站,之後,我必須補票,補票是沒有坐位的,即是說,我要企9個幾鐘頭呀!

yayayayaya

仲要衰到,在車上補票是一定要收現金,不收信用卡,不收支付寶,不收微信過數!

好彩,香港機場出發時,我才收團友的幾百蚊尾數,買完傢俬仲剩返千零蚊0係身,如果唔係都唔知點算。

好多國內同胞,都係往深圳,因為班機取消改乘高鐵,但身上唔夠錢。不過佢0地好犀利,電話對電話,就同其他人借到現金,以銀行過數還返畀人。

香港唔知幾時先至可以咁先進,目前只係用八達通。

Wd8-8

第三個站係河南洛陽龍門,真係有排企呀!

Wd8-9

站了兩個小時,已經捱不住,雙腳非常痛,就在這時,突然見到斜對面那個原本被乘客佔用了的乘務員座位空置,那個人下車了!於是小飛急急走過去『霸佔』了座位,這個摺椅小座位,每卡車只有一個,雖然我不好意思佔用,但太累也沒辦法了。

不久,小峰打電話給我問狀況,我說,終於有座位了,但是,背包放在原本的車卡架上,身邊沒有糧草和食水,就是有水飲也怕要去洗手間啊!

小峰說:『你要堅持呀!不要去洗手間!否則就沒有座位了!』委屈

為了這個座位,小飛就決定從昨晚八點的那個杯麵晚餐開始,飢饉24,滴水不沾,呆望身邊零食車,遙望前面小吃部,乾坐了五個小時。

車程過了七個小時後,乘務員忍不住對我說:『可不可以讓我坐一下呢?我很累啊!』

聽到那位一直在忙走來走去招呼乘客的乘務員這樣說,我也不好意思,歸還座位。點都好,我唔駛企9個鐘,只係企0左四個鐘,已經好好彩,其他補票乘客,真係齋企0架!

Wd8-10

到了晚上7:45分,終於到達深圳北站,轉乘4號線深圳地鐵9個站,就可以到福田口岸。

Wd8-11

咁,過0左關,0係落馬洲搭火車,又過0左個零鐘頭,終於晚上11:00左右返到屋企,飢饉29。

今次黑仔小飛走難,先覺得高鐵對香港咁重要,特此為記。

 

 

創作者介紹
創作者 小飛 的頭像
小飛

隨心而行

小飛 發表在 痞客邦 留言(1) 人氣()


留言列表 (1)

發表留言
  • 訪客
  • WAAA..九個鐘呀!!!
    企足全程真係好攰喎, 不過都好彩有方法返到香港呀~
  • 真的很好彩,不過是之前有過經驗,所以今次照辦煮碗

    小飛 於 2017/10/18 23:20 回覆